Epic Games literalisht fshiu Fortnite nga ekzistenca

Epic Games, zhvilluesi i Fortnite literalisht ka fshirë të gjithë ekzistencën e lojës gjatë eventit të Season 10.

Duke e marrë emrin e eventit më seriozisht nga çfarë po pritej, Epic mori vendimin që të fshinte Fortnite nga ekzistenca në datë 13 tetor.

Loja nuk përmendet më në website-in zyrtar, i cili tashmë i çon vizitorët në transmetimin live në një vrime të zezë. Epic gjithashtu hoqi të gjitha kanalet zyrtare në serverat e Discord.

Për të vazhduar më tej, të gjitha tweet-et në faqen e tyre gjithashtu janë fshirë, përveç atij të livestream-it të eventit The End. Sigurisht që ky nuk është fundi i Fortnite, por përkundrazi, fillimi i një kapitulli të ri.

Fortnite Chapter 2 pritet të lançohet nga momenti në moment, siç u bë leak-u edhe në App Store. Në momentin që flasim, detajet e mëtejshme janë ende të panjohura, por mund të klikoni këtë link për të parë 5 gjërat që mësuam nga leak-u i Chapter 2.

Mund të presim një hartë të re dhe me shumë gjasa një rimodelim masiv të mekanikave bazë të lojës dhe sistemeve të gameplay-it. Për momentin, literalisht çdo gjë ndodhet në errësirë.

Vetë loja u përthith nga një vrimë e zezë pasi eventi i Season 10 u mbyll. Vetë Twitch madje bëri crash nga shikueshmëritë e larta të këtij eventi. Ndërkohë nga fansat nuk munguan as memet.

Ninja pastaj bëri shaka duke thënë se ky ishte reagimi i Epic, pasi të gjithë filluan të thonin dhe të ankoheshin që loja ishte kot.

Disa lojtarë të tjerë as nuk mund të bënin log in në adresën e tyre të Fortnite. Nuk dihet nëse kjo supozohet të jetë pjesë e eventit, apo është ndonjë bug i madh prej dyndjes nga lojtarët.

Për momentin, do të na duhet të presim dhe të shohim se çfarë ka rezervuar Epic Games për Chapter 2.