Eden Hazard dhe Virgil Van Djik janë yjet e kopertinës së FIFA 20

Lojtari i tretë do të zbulohet së shpejti

Përpara lançimit të FIFA 20 në shtator, EA ka njoftuar yjet që do të jenë në kopertinën e lojës. Dy nga tre lojtarë u njoftuan përmes një njoftimi në Twitter. Lojtari i tretë do të njoftohet në të ardhmen.

Në versionin standart të lojës është Eden Hazard. Mesfushori nga Belgjika që është konsideruar si një nga lojtarët më të mirë në botë. Këtë verë ai kaloi te Real Madrid pas shtatë viteve te Chelsea.

Në Champions Editions të FIFA 20 pastaj kemi Virgil Van Djik. Mbrojtësi nga Hollanda është kapiteni i kombëtares së vendit të tij dhe luan edhe për Liverpool-in. Në finalen e Champions League, Van Djik u konsiderua si njeriu kryesor i ndeshjes me ndihmën masive që dha.

EA thotë se futbollisti në kopertinën e Ultimate Edition do të njoftohet në një moment të dytë.

Përgjatë viteve të fundit ka qenë Cristiano Ronaldo ai që është shfaqur në kopertinën e serive, por ai u hoq përkohësisht nga marketingu i EA pas akuzave për përdhunim dhe sulm seksual.

Më tej ai u zëvendësua me treshen e lojtarëve Kevin de Bruyne, Paulo Dybala dhe Neymar Jr, ku të tre këta kanë një probabilitet për tu shfaqur në kopertinën e tretë të FIFA 20.

Së fundmi EA ka njoftuar edhe të gjitha detajet që do të vijnë në Pro Clubs. Tani që FIFA 20 është kaq pranë lançimit, mund të presim që më shumë të reja të zbulohen për të dita ditës. Loja pritet të sjellë shumë ndryshime, ku më e shumëpritura është Volta mode. Analistët thonë se kjo mund të jetë seria më e mirë e FIFA që ka ardhur deri më tani, por për ta konfirmuar këtë do të duhet të presim 27 shtatorin.