EA SPORTS shton icons të FIFA 20 në kick off & career mode

Ikonat e FIFA Ultimate Team tashmë mund t’i luani në kick off dhe career mode, duke përfshirë yje legjendarë si Pelé, Zinedine Zidane, Ruud Gullit, Ronaldo, dhe më shumë

EA konfirmoi përmes Twitter se ata po shtonin legjendat ikonike në Kick-Off mode të FIFA 20 në një pjesë të serverit më 10 qershor. Kjo do të thotë që Icons gjithashtu do të jenë të disponueshëm në career mode, me pak rregullime.

“Përmes një lëshimi të serverit, ne kemi shtuar Soccer Aid World XI FC në Kick Off, një ekip të ri me disa nga emrat më të njohur në historinë e futbollit,” konfirmuan botuesit. “Ju mund t’i gjeni ata në kategorinë “Rest of the World”.

Skuadra e Icons, e quajtur Soccer Aid World XI në modalitetin Kick-Off, përfshin Pele, Ronaldinho, Maradona, Zidane, Gullit, Matthaus, Figo, Baresi, Maldini, Cannavaro, dhe Schmeichel në formacionin titullar. Del Piero, Rush, dhe më shumë janë në stol.

Sigurisht, modaliteti Kick Off është i mirë për të luajtur me çunat ndonjë ndeshje, por ajo që shumë lojtarë jo-FUT me të vërtetë duan të provojnë është Career Mode. Ja se si mund t’i vendosni legjendat në aventurën tuaj të ardhshme të karrierës në FIFA 20.

Si të merrni FUT Icons në Career Mode të FIFA 20

Për të marrë Icons me rating të lartë në sfidën tuaj të ardhshme në karrierë, ju do të duhet të ndiqni këto hapa të thjeshtë për t’i zhvendosur ato në skuadër:

1. Shkoni te “Costumise” në menunë kryesore të FIFA 20 dhe zgjidh “Edit Teams” nga tetë zgjedhjet nën atë opsion.
2. Këtu, zgjidhni opsionin “Reset All Squads” për t’u siguruar që keni update-et më të fundit të listës së lëshuar nga EA. Jini të paralajmëruar, kjo do të largojë të gjithë lojtarët e krijuar që keni bërë në FIFA 20 deri më tani.
3. Pasi të keni shkarkuar update-tin e ri të listës, drejtohuni te “Edit Teams” dhe zgjidhni opsionin “Club Transfers” në të djathtën e sipërme. Nga këtu, zgjidh kolonën “Free Agents”, i cili tani duhet të përmbajë të gjitha ikonat FUT 20. Nëse jo, kërkoni lojtarin që dëshironi të lëvizni.
4. Në ekranin e transferimeve të klubit të Free Agents, zgjidhni lojtarin që dëshironi të transferoni në një klub tjetër. Në të djathtë të ekranit të informacionit të këtij lojtari, ndryshoni “Team” të tyre në çfarëdo klubi në të cilin dëshironi të transferoheni.
5. Pasi ta keni bërë këtë me sa më shumë lojtarë që dëshironi të shtoni, kthehuni në menunë dhe filloni një Career Mode. Sigurohuni që të zgjidhni “Use current squads” dhe të filloni me ekipin tuaj me pamje të re!

EA konfirmoi gjithashtu që World XI e sapo-shtuar duhet të ketë më shumë se një uniformë Icon në dispozicion për t’u përdorur në lançim. Për momentin, vetëm një uniformë e vetme është në dispozicion. Publikuesit e FIFA thanë se ata po “hetojnë në mënyrë aktive” problemin e lançimit.