Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Katër lojëra që suportojnë cross-play dhe cross-save do të përfshihen në test
Electronic Arts zbuloi vitin e kaluar Project Atlas si një “vizion për një të ardhme të gaming në cloud“. Qëllimi nuk është një shërbim i thjeshtë streaming për gaming, pasi EA dëshiron që ky shërbim cloud të përdoret për të krijuar lojëra më të personalizuara dhe më të thella, duke krijuar një botë ku përdoruesit e gjenerojnë vetë përmbajtjen e lojës dhe duke zhdukur kufinjtë që ofrojnë shërbimet dhe engine-t e lojërave sot.
Nuk kishte një datë të caktuar se kur ky projekt do të vinte në jetë, por duket se është rrugës. Shefi i teknologjisë Ken Moss tha në një intervistë se EA po përgatit një “provë të brendshme për lojtarët për të provuar lojërat që bëhen stream nëpërmjet teknologjisë cloud të EA.”
“Qëllimi ynë me këtë provë ekskluzive është të marrim më shumë informacion mbi performancën dhe kualitetin e këtij shërbimi në një variatet skenarësh dhe gjendjesh të rrjeteve. Edhe pse kjo provë do të fokusohet specifikisht në cloud gaming në PC, ne po mundohemi të shikojmë performancën e këtij shërbimi dhe në platforma të tjera. Megjithatë, më e rëndësishmja është të përmirësojmë eksperiencën e cloud gaming për lojtarët.”
Testi ka përqëllim të provojë nëse EA ka mundësi të jap një shërbim me kualitet të lartë për cloud gaming në kushtet e jetës reale që zakonisht nuk janë aspak ideale, në një shumëllojshmëri zhanresh lojërash me specifika të ndryshme loje. Për ta arritur këtë gjë, kjo provë do të përfshijë katër lojëra: FIFA 19, Titanfall 2, Need for Speed Rivals dhe Unravel. Këto lojëra do të kenë cross-play dhe cross-save dhe testuesit gjithashtu do të kenë mundësi të përdorin Origin për të luajtur dhe komunikuar me miqtë e tyre.
“Ideja është e tillë. Cloud gaming po vjen me siguri. Nuk është më një pyetje nëse do të vijë ose jo, por kur do të vijë. Edhe pse janë vetëm fillimet, ne jemi entuziastë për të hedhur këtë hap përpara për të mësuar më shumë dhe është diçka shumë e mirë që do të kemi mundësi ta bëjmë këtë me mbështetjen e komunitetit. Qëllimi është të përmirësojmë kualitetin e lojërave dhe shërbimeve për lojërat dhe shërbimet tona, që e ardhmja të jetë e gjitha e bazuar në cloud. Pra nëse ekziston një mundësi për të përmirësuar eksperiencën dhe për t’i shtyrë më shumë njërëz të luajnë, ne do t’a eksplorojmë atë,” – tha Moss.
Për të marrë pjesë në testin e Project Atlas, bëni log-in në llogarinë tuaj EA dhe më pas shkoni në Community Playtesting në fund të menusë. Ju do të përballeni me një ekran tjetër që kërkon sign-in, nëpërmjet të cilit do të keni mundësi të merrni pjesë në testimet e tanishme dhe të mëvonshme. Një datë fillimi ende nuk është caktuar.
