Dy Rift Beacons premtojnë ndryshime të mëdha në hartën e Fortnite

Sidoqoftë një prej tyre nuk është statik

Tashmë mund të gjenden dy Rift Beacons në Fortnite Battle Royale, por duket se ka diçka shumë të pazakontë në mënyrën se si është pozicionuar një prej tyre.

Këto Rift Beacons janë shfaqur nëpër të gjithë hartën e battle royale-it me fillimin e Season X dhe kanë shkaktuar rikthimin e Dusty Depot, Retail Row dhe Floating Island të Kevin the Cube.

Sa herë që ato shfaqen lojtarët e dinë se do të kenë të bëjnë me ndryshime në hartë. Gjithsesi duket se Epic Games ka ndërmend ti mbajë prapë lojtarët në majë të gishtave, pasi gjasat janë që njëri nga Rift Beacons nuk do ta ndikojë vendndodhjen ku është gjetur.

Si më parë në fillim në sezonit, ka dy Rift Beacons që gjenden në Dusty Depot. Gjithsesi me kaq shumë ndryshime që kanë ndodhur aty së fundi, nuk ka shumë gjasa që vendndodhja të ndryshohet dy herë.

Është gjithashtu mënyra se si ato janë vendosur që të bën të mendosh se nuk do të qendrojnë në të njejtin vend. Siç mund ta shihni në imazhet më poshtë , njëra prej tyre ndodhet në majë të një kamioni, duke na lënë të mendojmë se do të qarkullojë pak nëpër hartë përpara se të parkohet diku. Rift Beacon-i tjetër pastaj është i fiksuar dhe nuk ka ndërmend të lëvizë.

Nëse këto Rift Beacons do të ndalojnë afër Snow Biome, siç edhe leaks kanë sugjeruar, lojtarët mund të shohin rikthimin e Greasy Grove. Pika të tjera interesi që janë vërejtur në file-t e lojës kanë qenë Anarchy Acres, Risky Reels etj. Pra nëse ai kamion ndalon në vendin e duhur, njëra prej këtyre mund të bëjë rikthimin e saj në lojë.

Sado që destinacioni i këtij Rift Beacon-i është i papërcaktuar, ndryshimet e hartës së lojës kanë ndodhur çdo javë në Fortnite, pra nuk do të nda duhet të presim edhe shumë për të marrë vesh se çfarë ka rezervuar Epic për lojtarët e Fortnite këtë rradhë.