Duket se Bethesda është pranë lançimit të një loje të re

Ka shumë mundësi të jetë një Fallout i ri

Shpesh herë në të shkuarën, dyqanet online kanë zbuluar lojërat e reja para prezantimit zyrtar të tyre. Rasti më i fundit ishte përpara E3 2018, ku Walmart zbuloi një numër të madh lojërash që u zbuluan para publikut gjatë shfaqjes. E njëjta gjë sapo ka ndodhur me Amazon, të cilët në njëfarë mënyre zbuluan një lojë të ardhshme nga Bethesda.

Specifikisht, u zbulua se Amazon kishte postuar tre lojëra nga Bethesda, një për PC, një për Xbox One dhe një për Playstation 4 respektivisht. Duket se do të jetë një lojë e cila do të vijë në të treja platformat.

Gjithashtu, këta artikuj vijnë me një video të një numërimi mbrapsht, siç shohim shpesh në trailerat e serisë Fallout.

Shumë spekulojnë se, për të tërhequr vëmendjen nga debuitmi tepër i dobët i Fallout 76 dhe pas pritjes pozitive të The Outer Worlds nga fansat, me shumë mundësi kompani po përgatit një remaster të Fallout 3 ose Fallout New Vegas.

Por, një përdorues vuri re se inicialet E01, T03 dhe S02 janë inicialet e TES, pra The Elder Scrolls. Në qoftë se kjo teori është e vërtetë, duket se artikujt do të përdoren për pre-order e The Elder Scrolls VI që u zbulua gjatë E3.

Sido që të jetë puna, duket se zbulimi i një loje të re nga Bethesda është shumë afër dhe ne jemi shumë të entuziazmuar.