Dr Disrespect është bërë ban në Twitch pasi bëri stream në tualet

Ky ban vlen dhe për E3.

Dr Disrespect është bërë ban në Twitch. Momentalisht, kanali i tij nuk mund të shikohet nga askush. Gjithashtu, është bërë me dije se organizatorët e E3, Entertainment Software Association i kanë hequr atij badge-in e tij si streamer në E3.

Për stream-in e tij të parë IRL (in real life-në jetën reale), personaliteti provokativ filmoi ditën e tij në E3. Ai vendosi të përdorte tualetin dhe kameramani i tij e ndoqi nga mbrapa.

Kjo në vetvete ka mjaftuar për ta bërë ban atë. Të filmosh të tjerët në publik pa pëlqimin dhe aprovimin e tyre nuk është problem sipas ligjeve të Kalifornisë, POR jo në një tualet apo diku ku njerëzit presin të kenë privatësinë e tyre. Rregullat e Twitch i ndalojnë aktivitetet e jashtëligjshme, por gjithashtu kanë dhe rregulla kundra thyerjes së privatësisë së dikujt tjetër, pra bërjes stream nga hapësira personale e dikujt.

Dr Disrespect ende nuk ka komentuar mbi këtë çështje. Tweet-i i tij i fundit është reklamimi i pikërisht këtij stream-i, i cili nisi rreth tre orë para se ai të bëhej ban.

Duhet thënë se reagimet janë mjaft të ndryshme dhe të ndarë në dy mendime tërësisht të ndryshme. Në Resetera, njerëzit nuk janë aspak dakort me stream-in e Dr Disrespect, ndryshe nga Reddit ku njerëzit janë shumë më mbështetës për streamer-in. Megjithatë, të dyja këto si komunitete bien dakort se ban-i do të jetë vetëm për 24 orë, thjesht si një paralajmërim.

Do të jetë interesante për të parë se sa do të zgjasë ky ban. Është i pari për të, në stream-in e tij të parë IRL. Twitch mund të thotë se ky ishte vetëm një aksident dhe një gabim, edhe pse thellë thellë është vërtet një gjykim i gabuar mbi privatësinë e të tjerëve.