Regjizori i Doctor Strange thotë se të gjitha versionet e Spider-Man ekzistojnë brenda MCU

Regjizori i Doctor Strange e ka përforcuar edhe më tej në teorinë se një crossover i Spider-Man është duke ndodhur në Marvel Cinematic Universe.

Për një kohë të gjatë mendohej se Spider-Mans që kemi parë deri më tani ekzistonin në universet e tyre dhe e gjithë ideja, që ata mund të ndërthureshin ekzistonte vetëm në kokën e fansave. Thashethemet e fundit tashmë sugjerojnë se Maguire, Garfield dhe Holland do të bashkojnë forcat për një multiverse.

Regjizori i Doctor Strange, Scott Derrickson, tashmë i ka hedhur më shumë benzinë zjarrit përmes një postimi të bërë në Twitter së fundmi. Ai shkruajti se: “të gjitha versionet e Spider-Man janë pjesë e MCU.”

Serioze ose jo, kjo i vuri fansat në punë, me shumë prej tyre që filluan të bënin shaka se do të shihnin sërish Tobey Maguire dhe të tjerë që thonin se Multiverse ishte konfirmuar.

Jamie Foxx është konfirmuar se do të rikthehet për të luajtur Electro, një rol që e ka luajtur fillimisht në seritë e The Amazing Spider-Man. Benedict Cumberbatch gjithashtu do të ketë paraqitjen e tij si Dr Strange, duke rritur edhe më shumë spekulimet e multiverse.

Kur u pyen nëse Andrew dhe Tobey do të riktheheshin në Spider-Man 3, Sony u përgjigj: “këto thashetheme nuk janë të konfirmuara.” Ky nuk është një konfirmim nga ana e kompanisë, por nuk është as mohim, ndaj ndoshta edhe ka pak shpresë.