Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Këto rendera kanë sjellë ilustrimin e PS5 në jetë
Këtë javë patëm mundësinë të shikonim atë që mund të jetë dizajni për konsolën PlayStation 5 të Sony, kur një patentë nga kompania Japoneze u publikua online.
Bazuar në atë dizajn e gjithë konsola do të kishte formë V-je, numri romak për pesë. Duke qenë se PS4 është edhe e famshme për zhurmën e ajrosjes dhe nxehjen e shpejtë, ky version duket si një manovër mjaft e lezetshme dizajni. Mbi të gjitha kur mendon se sa i fuqishëm do të jetë PS5.
Nëse keni parë ilustrimin e treguar te patenta dhe keni thënë, “oh fiks si vizatimet e abetares”, fansat e zjarrtë të konsolës kanë ardhur në shpëtimin tuaj. Një seri renderash me rezolucion të lartë të dizajnit të konsolës është publikuar, që të mund ta shikoni atë në mënyrë më realistike nga çdo kënd.
Pjesa e ajrosjes ndriçohet nga drita blu, ka disa butona me touch në pjesën e përparme dhe disa ka butonat për Blu-Ray. Disa kanë spekuluar se ky version ka më shumë gjasa të jetë ai i zhvilluesve dhe një person e ka konfirmuar këtë.
Matthew Stoot, Senior Artist i Codemasters tha në twitter se dizajni që i është bërë leak PS5 është me të vërtetë versioni i konsolës për zhvilluesit. Ai edhe hodhi shenja se ky mund të ishte i ngjashëm me dizajnin përfundimtar, duke i shtuar edhe më shumë benzinë zjarrit, pasi e fshiu menjëherë pas postimit tweet-in.
Ja vlen të përmendim se me modelet e mëparëshme të konsolave, nuk ka qenë gjë e rrallë që hardware-i përfundimtar të ndryshonte shumë nga versioni për zhvilluesit. Ose ndoshta patenta në fjalë është thjesht një nga opsionet e menduara.
Një tjetër gjë që nuk shkon është fakti se patenta është në emër të inxhinierit të Sony, Yasuhiro Ootori, por emri i tij nuk është shkruar siç duhet. Ky mund të jetë ose një gabim shkrimi ose një shenjë që diçka nuk shkon siç duhet në këtë mes.
Sony me shumë mundësi do e lançojë konsolën e tij vitin e ardhshëm. Pra me shumë mundësi pjesa e dizajnit është mbyllur. Mbetet të presim për një konfirmim zyrtar të Sony.
