Disney pranon se nuk është i mirë në publikimin e lojërave

Kompania thotë se do të fokusohet në liçensimin e tyre

Disney e ka pranuar se publikimi i videolojërave nuk është pika  e tyre e fortë dhe se në të ardhmen do të vazhdojë vetëm me proçesin e liçensimit të tyre. CEO i kompanisë Disney, Robert Allen Iger, i pranoi këto gjëra në mbledhjen e fundit të kryer me investorët.

Sipas Iger, Disney ka provuar të përfshihet në mënyra të ndryshme të vetë-publikimit, por ka zbuluar se përshtaten më mirë në liçensimin e video-lojërave.

“Gjatë viteve, siç edhe mund ta dini jemi përpjekur të publikojmë diçka në lidhje me videolojërat. Kemi blerë kompani. Kemi shitur kompani. Kemi blerë zhvillues dhe kemi mbyllur zhvillues. Gjëja që kemi vënë re gjatë këtyre viteve ka qenë se publikimi i lojërave nuk është pika jonë më e fortë, por ana e liçensimit të tyre ka patur dallim. Ndaj kemi vendosur që nga ana e biznesit të ruajmë këtë pozicion.”

Përsa i përket relatave me EA dhe serive të Star Wars, Iger vazhdoi të thoshte se Disney do i ruajë këto në të ardhmen.

“Kemi patur marrdhënie të mira me disa prej parterëve tanë, specifikisht EA dhe relatat që kemi me Star Wars. Në të ardhmen do të vazhdojmë të qëndrojmë në të njejtën pikë me ta.”

“Ne dimë të bëjmë filma dhe seri televizive dhe parqe gjigande etj, por kurrë nuk e kemi treguar veten si të mirë në publikimin e videolojërave.”