Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Epic Games vazhdon të thellohet edhe më shumë në demon e Unreal Engine 5 nga muaji i shkuar, për të vënë në dukje kapacitetin e renderizimit të PlayStation 5.
Në një prezantim një orë nga eventi virtual i Unreal Fest Online 2020, zëvendës presidenti inxhinierik Nick Penwarden dhe drejtori inxhinierik Marcus Wassmer demonstroi se si Unreal Engine 5 do të ishte “kyç” në zhvillimin e grafikave fotorealistike në lojërat e viteve të ardhshme.
Duke marrë si shembull pasazhin në shpellë nga Lumen in the Land of Nanite, Epic vuri në dukje se demoja e Unreal Engine 5 përdorte vetëm asete të cilësisë kinematike nga Quixel library, që përbëheshin nga miliona ose miliarda shumëkëndësha me tekstura 8K. Një shkëmb i vetëm brenda demos përbëhej nga 1.5 milionë shumëkëndësha.
Fuqia e hardware-it që duhet për të krijuar këtë nivel të realizmit është vetëm gjysma e punës. Procesi i të krijuarit një skenë kaq të detajuar është një sfidë tjetër. Unreal Engine 5 sjell një sistem të quajtur “virtualized micropolygon geometry” ku zhvilluesit mund të importojnë asete kinematike drejtpërdrejtë në lojë në kohë reale. Në rastin e PlayStation 5, zhvilluesit mund të përdorin Unreal Engine 5 për të mbështetur lehtësisht dhe për të punuar me miliona objekte të ndryshme brenda një skene të vetme, ku çdo objekt ka me miliona shumëkëndësha përbërës.
Më herët gjatë muajit, kreu i teknologjisë Kim Liberi tha se “ka qenë një endërr e jetës së tij” që të shikonte lojëra që janë grafikisht në nivelin e filmave me buxhet të madh të Hollywood-it. Libreri tha me vetëbesim të plotë se grafikat e gjeneratës së ardhshme dhe veçoritë procesuese të PlayStation 5, të fuqizuara nga Unreal Engine 5, do e bëjnë ëndrrën e tij realitet.
PlayStation 5 është llogaritur që të lançohet në fund të këtij viti. Sony Interactive Entertainment ka thënë se pavarësisht përhapjes së COVID-19 nuk do të kemi vonesa. Gjithsesi, një datë fikse lançimi dhe një çmim akoma nuk janë bërë të ditura.
