Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sony Interactive Entertainment duket të ketë zbuluar datën e lançimit për konsolën e tyre të ardhshme, PlayStation 5. Kjo falë një postimi të ri nga kompania.
Lojtarët e konsolave kanë qenë në pritje të dy kompanive, Sony dhe Microsoft, teksa kanë qenë kokë më kokë gjatë 12 muajve të fundit, për një lançim gjatë fundvitit të konsolave të reja.
Nuk ka patur ende asnjë datë zyrtare të lançimit nga Sony në formën e ndonjë traileri ose njoftimi përshembull, ndaj është mirë që të mos e marrim menjëherë për të mirëqenë të gjithë këtë.
Siç shikohet në një Tweet më poshtë nga Nibellion, një njoftim pune tregon tetorin e 2020s si muajin e lançimit për konsolën e ardhshme. Në mënyrë interesante, kjo do e vendoste Sony në avantazh prej një muaj në krahasim me Microsoft, që përflitet ta lançojë Xbox Series X në nëntor.
A Japanese job listing by Sony Interactive Entertainment says that the PlayStation 5 will be launched this Octoberhttps://t.co/YKuWtllIc0 pic.twitter.com/aSp1Aev3AH
— Nibel (@Nibellion) May 12, 2020
Përshkrimi i punës i njoftuar më sipër do e vendoste këtë kandidat të kërkuar në krye të të blerit të prototipeve të hardware-it për produktet e PlayStation.
Fakti që Sony ende nuk ka bërë një njoftim zyrtar për datën e lançimit të PS5 ngre një pikëpyetje rreth të gjithë kësaj. Zakonisht informacione të tilla zbulohen në evente si ai i E3 ose konferenca të tjera të asaj natyre.
Teksa ende po presim për një pamje më të mirë të PS5, të paktën Sony na ka treguar DualSense, controller-in e saj. Në momentin që do të kemi të dhëna më konkrete nga ana e kompanisë për një datë të mirëfilltë lançimi do ju njoftojmë.
