Cyberpunk 2077 hiqet nga PS Store, ofron rimbursime të plota

Pas një jave plot ankesa dhe përgjithësisht hutim total përsa i përket lançimit të Cyberpunk 2077, loja është hequr zyrtarisht nga PlayStation Store në të dyja PlayStation 4 dhe 5.

Kjo u bë menjëherë pasi Sony njoftoi se do të ofronte rimbursime të plota për lojtarët që e kishin blerë lojën dixhitale dhe ishin të pakënaqur me performancën e saj në konsola.

Të dyja këto masa janë një goditje edhe më e rëndë për CD Projekt Red, që tashmë po menaxhonte një javë të lodhshme me problemet që solli lançimi i Cyberpunk 2077.

Përtej versionit PC të lojës, që duket të performojë më mirë nga të gjitha platformat e tjera, gjendja është jashtëzakonisht keq në PlayStation. Ka shumë glitches, që sipas lojtarëve e zhvendosin komplet lojarin nga eksperienca.

Për ata lojtarë që e kanë blerë lojën për PS4 ose Xbox One, pasi nuk mund të përballonin një konsolë të re, ose nuk kishin akses në një gaming PC, gjendja është tepër e keqe. Loja tregon framerates të paqëndrueshme, tekstura të këqia dhe një performancë me plot gojën të keqe.

CD Projekt Red ka kërkuar ndjesë për këtë, duke pranuar se: “duhet t’i kishte kushtuar më shumë vëmendje lojës në PS4 dhe Xbox One.” Kjo i konfuzoi edhe më shumë fansat, pasi loja ka qenë në zhvillim prej vitesh. Është njoftuar në 2012 dhe supozohej të lançohej shumë më herët se 2020.

Kjo situatë i detyroi shumë lojtarë që të kërkonin për refunds tek Sony ose te Microsoft. Pas kësaj Sony mori vendimin që ta hiqte fare lojën nga PlayStation Store dhe me të drejtë të ofronte rimbursimet te lojtarët që i kërkuan.

Nuk është e qartë nëse Sony e ka bërë këtë për të ruajtur imazhin e brandit të PlayStation, apo është thjesht një mënyrë për t’u përballur me deklaratën e mëparëshme të CD Projekt Red, që tha se do ofronte rimbursime për lojën.

Urojmë që situata të rregullohet sa më shpejt.