Cyberpunk 2077 do të duket super edhe në një PC me parametra të ulëta

Është konfirmuar se loja do të ketë grafika të mira në çdo paisje ku ajo do të adaptohet.

Cyberpunk 2077 është një nga ato lojërat për të cilën njerëzit nuk rreshtin dot së foluri momentalisht. As nuk vihet në diskutim se loja do të jetë një sukses i vërtetë. Kjo falë vetë CD Projekt Red, që gjithmonë e gjen veten duke menduar për përdoruesit e saj. Kjo përmes dy elementëve kyç. Vizualitetit dhe ekonomisë.

Me RED engine që studioja përdori për The Witcher 3, grafikat e larta janë të garantuara. Jo vetëm kaq, por Cyberpunk 2077 do të duket super edhe në PC me parametra të ulëta. Mund të mos ju duhet të ndërroni paisje për këtë lojë në fund të ditës. Kjo është deklarata zyrtare që zhvilluesi kreu mbi këtë çështje.

“Kemi një engine shumë të veçantë, RED engine. Aktualisht jemi duke targetuar konsolat si platformat e klasit të lartë dhe aty loja duket shkëlqyer. Por edhe në PC grafikat janë mjaft fantastike si në ato me parametra të mira dhe në ato me parametra të ulëta.”

Grafikat nuk janë e vetmja gjë që e përkufizon një videolojë. Shpeshherë njerëzit thonë, gameplay mbi grafikat përshembull. Gjithsesi në kohët e sotme është shumë e vështirë të mos jesh gjykues ndaj grafikave.

Sidoqoftë, duke qenë se Cyberpunk 2077 është më pak se një vit afër, detajet për lojën thjesht vazhdojnë dhe shtohen. Në një video të ndarë së fundmi në faqen zyrtare të Twitter të Cyberpunk 2077, flitet për garazhet e lojës. Brenda lojës, lojtarët do të kenë një garazh ku do të mund të fusin automjete të ndryshme. Edhe stacione të ndryshme të radios janë konfirmuar.

Në një intervistë tjetër, një nga përfaqësuesit e kompanisë, ka folur edhe për historitë e lojës dhe sistemin skenik që do të përdoret. Ky i fundit do të jetë i njejtë me atë që gjejmë edhe në The Witcher 3, ku një mision i vetëm, mund të sjellë shumë të tjerë.

Cyberpunk 2077 do të lançohet për PC, PS4 dhe Xbox One në 20 prill të 2020s. Le të shpresojmë që të jetë kjo një pritje që do ja vlejë.