Cristiano Ronaldo i bashkohet Garena Free Fire si një personazh

Lojtari portugez Cristiano Ronaldo është i famshmi i rradhës që i bashkohet lojës Garena Free Fire si një personazh që mund të luhet.

Zhvilluesit e lojës mobile battle royale kanë zbuluar se ai do të jetë një figurë kyçe në Operation Chrono, një event që do të vijë në lojë në datë 7 dhjetor.

Ronaldo është më i përfshirë me Free Fire se ç’mund të duket në pamje të parë, pasi ai gjithashtu do të shërbejë si një ambasador global i lojës. Pjesa financiare e kësaj marrveshjeje akoma nuk është mbyllur.

Ai do të vijë në jetë si personazhi Chrono, i cili është vendosur në një univers futuristik. Më shumë detaje rreth rolit të mëtejshëm që ai do të ketë në lojë do të zbulohen në ditët në vijim.

“Është një ndjesi fantastike jo vetëm të kem një personazh në Free Fire të modeluar pas meje, por gjithashtu të kem të gjithë universin e lojës të ndryshojë bashkë me të,” tha Ronaldo. “Ekipi i Garena ka vendosur shumë elementë dhe veçori të reja në lojë me Operation Chrono. Shpresoj që lojtarët e Free Fire në mbarë botën janë po aq të emocionuar sa edhe unë.”

Garena po tenton të prezanojë të famshëm nga vende të ndryshme për ta zgjeruar edhe më tej tregun e FreeFire. Ronaldo është një emër i njohur jo vetëm për Portugalinë, por për të tërë botën. Ai padyshim që do të ketë një influencë mbi lojën.