Comic-u i dytë i Riot dhe Marvel mund të bëhet tanimë pre-order

Lux është champion-i i rradhës që do të ketë një comic të sajën

Fansat e League of Legends hodhën sytë për herë të parë mbi comic-un e ardhshëm të Riot Games në bashkëpunim me Marvel Entertainment sot, pasi ai u bë i disponueshëm për pre-order. Seria do të ndjeke Lux dhe një rrjetë të komplikuar marrëdhëniesh në Demacia, ku magjia është e ndaluar. Megjithatë, asgjë më shumë nuk dihet rreth comic-ut.

Riot ende nuk e ka lajmëruar zyrtarisht datën e lançimit, por seria me 5 pjesë mund të bëhet pre-order në Amazon. Duke u bazuar te kopertina, titulli i comic-ut do të jetë thjesht “Lux”. Në përmbledhje na jepet pak më shumë informacion mbi udhëtimin e Lux për të kuptuar më mirë fuqitë e saj magjike ndërsa ajo jeton në qytetin e Demacia, që, siç thamë më lart, e ndalon magjinë.

Në kopertinë, Lux po qëndron midis vëllait të saj, Garen, dhe champion-it më të ri të lojës, Sylas. Lançimi i Sylas më herët këtë vit na bëri të njihnim më mirë anën e errët të Demacia, zonë e cila është njohur gjithmonë për drejtësinë e natyrën. Sipas biografisë së tij, Sylas vizitohet nga Lux ndërsa ai ishte i burgosur. Midis tyre krijohet një miqësi, duke ndarë me njëri tjetrin njohuritë e tyre mbi magjitë dhe lajme nga bota e jashtme. Sylas e manipulon Lux-in për t’i sjellë atij një libër, i cili e lejon atë të arratiset.

Me shumë mundësi, comic-u do të thellohet më shumë mbi marrëdhëniet midis këtyre dy personazheve dhe vështirësive që has marrëdhënia midis Lux e vëllait të saj. Megjithatë lojtarët e League of Legends duhet të presin akoma për episodin e parë, i cili do të publikohet në 19 nëntor.

Bashkëpunimi i parë, “Ashe: Warmother” u mbyll rreth fundit të marsit me episodin e katërt dhe të fundit. Edhe pse comic-u nuk mund të blehet fizikisht, lojtarët mund të lexojnë më shumë mbi udhëtimin e ashe në League of Legends Universe.