Call of Duty: Warzone nuk do ndërrohet në engine-in e Black Ops Cold War

Fansat mund të presin që gameplay të mbetet i njejtë.

Lançimi i Call of Duty: Black Ops Cold War është shumë pranë. Shumë fansa janë të emocionuar për multiplayer-in, armët dhe kontentin e ri. Ndër informacionet e reja për lojën, drejtori artistik i Activison konfirmoi se nuk do të ketë ndërrim të engine për segmentin battle royale, pra Warzone.

Activision Blizzard së fundmi njoftoi se sezoni i parë i Black Ops Cold War do të vijë në dhjetor përkrah integrimit me Warzone. Ky update do të shtojë armë dhe personazhe nga universi i Black Ops Cold War në Warzone dhe me shumë gjasa do të prezantojë dhe ndonjë hartë hartë Warzone.

Armët e Black Ops Cold War vijnë pak më ndryshe se ato në Modern Warfare ose Warzone. Fansat me shumë mundësi do të mësohen me ndjesinë e tyre në lojën e re, por do të duhet të ndërrojnë engine kur ta luajnë nga Warzone.

Shumë prej lojtarëve janë të lumtur që engine i Warzone nuk do të ndryshojë, por ata janë ende pak të paqartë për mënyrën se si do të funksionojë kontenti i Black Ops Cold War në lojë. Activision Blizzard me shumë gjasa do të sjellë më shumë informacion, pasi loja të lançohet në 13 nëntor.