CD Projekt Red konfirmon se Cyberpunk 2077 do të censurohet në Japoni

Shumica e ndryshimeve janë cosmetic.

Cyberpunk 2077 do të vijë pak më ndryshe si lojë në Japoni, ka konfirmuar CD Projekt Red. Rishikimet që do i bëhen lojës në Japoni kryesisht lidhen rreth nuditetit, por edhe shfaqja e organeve dhe “objekteve në formë gjenitalesh” do të censurohen.

Sipas një deklarate të bërë nga CD Projekt Red, ndryshimet janë bërë që loja të përshtatet me kërkesat e agjensisë CERO në Japoni. Sekuencat e nuditetit do të mbulohen me të brendshme, përfshirë këtu edhe protagonistin.

Në vende të tjera, skena të caktuara të një natyre seksuale gjithashtu janë edituar. E njejta gjë vlen edhe për stenda, postera ose grafiti në lojë që mund të tregojnë gjëra që bien ndesh me rregullat e përcaktuara. Personalizimi i gjenitaleve pastaj gjithashtu është hequr si opsion për në Japoni.

Cyberpunk 2077 përgjithësisht është konsideruar si +18 në shumë vende të botës. Fatmirësisht nuk janë të shumta vendet ku loja do të censurohet.