Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Call of Duty i ardhshëm po zhvillohet nga Treyarch
Call of Duty i 2020 do të jetë Black Ops dhe po zhvillohet nga Treyarch, pasi Sledgehammer Games u hoq pjesërisht nga detyra. Duket se loja gjithashtu po has probleme me zhvillimin.
I njëjti burim i cili dha disa informacione mjaft të vlefshme dhe të besueshme rreth Call of Duty: Modern Warfare përpara prezantimit të lojës na siguron se ende nuk është caktuar emri i Call of Duty-t të ardhshëm.
Përdoruesi i Twitter TheGamingRevolution, i cili ka zbuluar më herët detajet e Modern Warfare të ri, është pyetur nga fansat për lojën e ardhshme. “Momentalisht loja është 3/10 e përfunduar. Emri ende nuk është caktuar, me BO5, Black Ops dhe emra të tjerë me tematikë Black Ops që po diskutohen,” – tha ai.
Një tjetër burim nga gushti i këtij viti siguron se Black Ops i ardhshëm do të jetë një rikthim në Luftën e Ftohtë dhe do të jetë një lojë shumë ndryshe nga Modern Warfare që po vjen.
Seria Call of Duty lançohet çdo vit, por studiot që e zhvillojnë atë ndryshojnë. Infinity Ward, krijuesja e serisë, ka përsipër Modern Warfare. Treyarch është zhvilluesja e Black Ops. Sledgehammer Games ka zhvilluar Advanced Warfare dhe Call of Duty: WWII.
Këta të fundit ishin përgjegjës për lojën e 2020, por Activision Blizzard, publikuesi i lojës, i hoqi ata nga kjo detyrë dhe ia dha lojën Treyarch për shkak të tensioneve të brendshme, ndryshimit në gjeneratën e konsolave dhe konflikte mbi modelin e biznesit.
Sledgehammer Games megjithatë nuk është hequr tërësisht nga zhvillimi i lojës. Studioja nga Kalifornia së bashku me Raven Software kanë përgjegjësi mbi campaign-in e lojës së ardhshme.
Zbulimi zyrtar i lojës ende nuk ka ardhur. Activision zakonisht jep më shumë detaje mbi të në maj.
Nuk ka dyshim se një prej lançimeve më të shumëpritura të këtij muaji është Call of Duty: Modern Warfare, një lojë që premton të ndryshojë serinë vjetore të Activision. Një trailer lançimi u lançua ditën e djeshme, të cilin mund ta shihni këtu.
