Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Ndarja “shkund” industrinë e gaming.
Zhvilluesi Bungie dhe publikuesi Activision do të ndahen nga njëri tjetri, dhe lajmi më i rëndësishëm është se Bungie do të ketë kontroll të plotë mbi zhvillimin e serisë Destiny. Kjo vjen pas disa viteve nën tension, ku gjithçka ka nisur gjatë lançimit të lojës së parë Destiny. Vetë studio Bungie i lajmëroi punonjësit e tij për këtë lajm, i cili duket fantastik për një studio e cila ka hasur shumë probleme me publikuesin.
“Kemi kaluar tetë vite të suksesshme dhe do të donim të falenderonim Activision për bashkëpunimin për Destiny. Në të ardhmen, jemi të entuziasmuar për t’ju njoftuar për planet e Activision për të na dhënë të drejta të plota mbi Destiny. Me komunitetin mbresëlënës të Destiny, jemi të gatshëm të nxjerrim një lojë tërësisht tonën, ndërsa Activision mund të fokusohet në prodhimet e tij.” shkruan Bungie në një blog post.
Destiny u lançua fillimisht në Shtator të 2014, dhe ka kaluar një rrugë të gjatë me update, expansion dhe një paraardhës. DLC-ja e fundit, Destiny 2: Forsaken, u pëlqye nga lojtarët, por nuk arriti numrin e kërkuar të shitjeve nga Activision.
Një nga problemet më të mëdha midis Bungie dhe Activision ishte koha midis lançimeve, ku Activision kërkonte që Bungie të nxirrte diçka të re çdo vit në Destiny, ndërkohë që bungie kërkonte më shumë kohë për të perfeksionuar atë çfarë nxirrte.
Lajmi për Activision erdhi në një kohë shumë të papërshtatshme, pasi kompania ka marrë shumë Kritika rreth monetizimit të tepër që ka vendosur nëpër lojëra. Në fillim Blizzard dhe tani Bungie… mund të themi me bindje se këto janë kohë të vështira për Activision. Ky i fundit ka njoftuar se Destiny 2 do të mbetet në platformën Battle.net të Blizzard, por në lançimet e ardhshme të Bungie nuk do të ndiqet e njejta rrugë. Zhvilluesit e Halo sollën Destiny 1 në 2014 pas një situate të ngjashme me Microsoft Studios. Lançimet e Destiny 1 & 2 nuk kanë qenë fort të mira, ndaj Bungie reflektoi pak me Expanion-in Forsaken.
Supozohet që në këto momente studioja të jetë në zhvillime të Destiny 3, e cila do të publikohet në mënyrë të pavarur, por studioja gjithashtu është në zhvillime të një loje tjetër që nuk është njoftuar akoma. Të gjithë fansat janë shumë të emocionuar për këtë dhe këto janë lajme shumë të mira për ata që i kanë ndjekur legendary engrams që ditën e pare. Mund të themi se jemi gati për të parë se çfarë do të rezervojë e ardhmja për Bungie & Destiny.
