Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Personazhe të rinj dhe të vjetër do të gjenden në lojë.
Gearbox më në fund ka zbuluar zyrtarisht Borderlands 3, së bashku me një sërë njoftimesh të tjera. CEO, Randy Pitchford ishte ai që e njoftoi dhe sipas tij loja ka qenë në punim prej pesë vitesh.
Fatkeqësisht, detajet janë të vështira për tu gjetur, por mund ta shihni trailerin e plotë më poshtë në këtë artikull. Sidoqoftë një gjë që e dimë është se një pjesë e mirë e informacionit të treguar dje në teaser trailerin e Mask of Mayhem do të jetë i përfshirë në lojë. Videoja tregoi personazhe të reja dhe personazhe që do të rikthehen, përfshirë këtu vault hunters, antagonistë dhe rikthimin e të preferuarve si Lilith, Claptrap dhe një version të rritur të Tiny Tina.
Gjithashtu do të kemi një këndvështrim të ri në game world-in e lojës, e cila duket shumë më e larmishme se zakonisht, duke na lënë të mendojmë se nuk do të vendoset vetëm në Pandora. Gjithsesi nuk ka ende fjalë në qarkullim për combat në lojë, përveç sugjerimit që fansat e loot do të trajtohen mjaft mirë në Borderlands 3.
Kjo lidhet kryesisht me deklaratën se Borderlands 3 do të ketë një bilion armë. Këtu do të përfshihet edhe një armë e frymëzuar nga njerëzit e Boston Dynamics, e cila është e aftë të futet në betejë vetë.
Përtej këtyre, zor se ka ndonjë informacion tjetër, lëre pastaj të dimë datën e lançimit të lojës ose ekskluzivitetin me Epic Store. Sidoqoftë Gearbox thotë se do të ketë më shumë lajme javën e ardhshme në datën 3 prill.
