Blizzard bën ban lojtarin që mbështeti protestën e Hong Kong. Fansat kërcënojnë bojkot ndaj kompanisë.

Lojtarët nuk janë aspak të kënaqur me veprimet e Blizzard

Lojtari pro i Hearthstone, Ng Wai Chung, i njohur ndryshe si ‘Blitzchung‘ është momentalisht një nga tematikat më të përfolura në komunitetin e gaming. Në një intervistë të kryer gjatë një turnamenti ai doli me një maskë gazi dhe syze, për të shfaqur shpirtin e protestës që është mbajtur gjatë muajve të fundit në Hong Kong.

Blitzchung bëri thirje për lirimin e Hong Kong dhe si rezultat Blizzard e ka përjashtuar lojtarin për një vit nga çdo turnament, nuk i ka dhënë paratë e çmimit dhe ka hequr nga puna edhe dy komentatorët e tjerë që ishin të përfshirë në këtë segment interviste.

Protestat në Hong Kong kanë vazhduar që në muajin qershor. Ato filluar pas propozimit të një ligji që do të lejonte ekstradimin nga Hong Kongu në Kinë. Tani protestat janë zhvilluar më shumë dhe kërkojnë një qeverisje të plotë demokratike dhe informacione mbi veprimet e forcave policore.

Veprimi i Blizzard pas referencës së Hong Kong në atë intervistë nuk ka qenë fare i mirëpritur nga fansat nëpër botë. Në momentin që flasim çdo postim në subreddit-in e Hearthstone është ose një kërcënim për ta lënë Hearthstone ose një kritikë e mëtejshme ndaj Blizzard. Subredditi i Blizzard pastaj u bë privat sot, me shumë mundësi si reagim ndaj këtyre kontraditave.

Në Twitter, lojtarët kanë filluar një hashtag ‘BoycotBlizzard’, duke sugjeruar se veprimet e kompanisë ndaj Blitzchung bien në kundërshtim me vetë normat që studioja ka. Në faqen zyrtare të Blizzard, kompania premton që “do të mendojë globalisht” dhe që “çdo zë ka rëndësi”. Këto slogane duken edhe në një statujë jashtë zyrave të kompanisë.

Duket se disa nga punonjësit e Blizzard kanë protestuar në heshtje duke e mbuluar atë pjesë të sloganit.

Blitzchung ka dhënë deklaratën e tij pas situatës me Blizzard dhe ka thënë: “E prisja vendimin e Blizzard, mendoj se është i padrejtë, por është një vendim që unë do e respektoj. Nuk bëhem pishman për atë që thashë.“

“Siç mund ta dini në vendin tim po zhvillohen protesta serioze. Deklarata ime në atë stream ishte një formë pjesëmarrjeje në atë protestë që do të doja të merrte vëmendjen e saj. Mua mund të më hapë shumë telashe, mund të më kushtojë edhe sigurinë time personale, por mendoj se është përgjegjësia ime që të hapem për këtë problem.”

Komuniteti i Hearthstone duket tepër i prekur nga e gjithë kjo situatë dhe reagimet e tyre mund të lënë një dëm të madh në bazën e lojtarëve të Hearthstone. Shumë lojtarë që e kanë luajtur lojën që në lançimin e saj në 2014, janë shprehur se do ta bojkotojnë Hearthstone

“Nuk mundem dhe nuk do ta mbështes një kompani që i hedh poshtë të gjitha moralet për përfitime personale. Faleminderit Blizzard që e bëtë këtë vendim kaq të thjeshtë për mua.” Është shprehur një lojtar në Reddit.

Blizzard gjithashtu nuk ka qëndruar i heshtur kundrejt këtyre kontraditave dhe është shprehur në deklaratën e tij se: “Sado që ne mbështesim të drejtat e dikujt për të shprehur mendimet dhe opinionet personale, lojtarët dhe pjesëmarrësit që zgjedhin të marrin pjesë në kompeticionet tona të esports, duhet të respektojnë rregullat zyrtare të konkurimit.”

Është ende e paqartë se çfarë ndikimi do të ketë ky vendim i Blizzard mbi komunitetin e Hearthstone në përgjithësi. Qëndroni të update-uar me faqen tonë për njoftime të tjera mbi këtë histori.