Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Mendimet mund të jenë të ndryshme për Fallout 76, por mund të themi me bindje se nuk ka patur lançimin më ideal të mundshëm. Duke u nisur nga vlerësimet e padëgjuara më parë në Reviews për një studio si Bethesda e deri në rënien e menjëherëshme të çmimt pas lançimit, nuk mendojmë se do mbahet mend për mirë në të ardhmen si histori.
Disa prej lojtarëve madje janë përpjekur të marrin rimbursimin e parave të harxhuara me blerjen e lojës. Një nga këto përpjekie u duk e suksesshme, deri në pikën ku Bethesda ndërroi mendjen. Një përdorues i Reddit shprehet se ju ishin premtuar paratë mbrapsht, por kur u përpoqën ti merrnin ato, Bethesda kishte deklaruar se nuk ishin më të përshtatshëm për ta kryer atë veprim.
Përdoruesi i Reddit, ZPKKane thotë se kërkuan për rimbursim në PC si pasojë e performancës së keqe të lojës. Sipas atij postimi, Bethesda ju përgjigj asaj kërkese duke thënë se nuk kishin mundësinë ta proçesonin rimbursimin për momentin, por se do të fillonin ta bënin sa më shpejt të mundeshin.
Pas kësaj këtij përdoruesi i erdhi një email ku i thuhej se “klientët të cilët e kanë shkarkuar lojën, nuk plotësojnë kushtet për rimbursim”. Politikat origjinale të Bethesdës thonë se sendet fizike mund të kthehen brenda 30 ditëve pas blerjes, për aq kohë sa qëndrojnë në gjendje të mirë, kurse ato digjitale mund të anullohen brenda periudhës 30-ditore. Kjo duket të nënkuptojë se loja mund të rimbursohet për aq kohë sa nuk e ke luajtur.
Situata në fund të ditës mbetet mjaft konfuze dhe padyshim që i gjithë publiku po pret një sqarim më të detajuar nga Bethesda.
