Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Megjithatë, mos prisni ndonjë kualitet fantastik
Disa imazhe të Samsung Galaxy S11 janë zbuluar online, por fatkeqësisht këto foto nuk janë fotot e zakonshme me kualitet të lartë, të cilat do t’i shihni për shumë kohë. Pavarësisht, ky leak i fundit na jep më shumë informacion rreth dizajnit të flagship-it që pritet të vijë, si dhe fokusohet tek kamera e madhe në pjesën e pasme.
Këto imazhe vijnë nga një burim që ka qënë i saktë disa herë më parë. Edhe render-at e mëparshme të telefonit shfaqnin të njëjtin dizajn me një kamera të pasme shumë të madhe, të cilat konfirmojnë këto foto të publikuara, të cilat janë fatkeqësisht me kualitet shumë të dobët.
Edhe pse kualiteti i këtyre fotove të Galaxy S11 nuk është ajo që shohim zakonisht, parametrat dhe veçoritë që pritet të vijnë me kamerat e reja janë gjithsesi mjaft të mira. Fillimisht, Samsung pritet të përdorë një sensor 108MP dhe do të ketë 5x optical zoom.
Gjithashtu, duke qënë se Galaxy S11 do të ketë një procesor Snapdragon 865 ose Exynos 990, ky smartphone pritet gjithashtu të ketë mundësi të xhirojë video 8K 30FPS. Fatkeqësisht, duke qënë se imazhet janë me kualitet shumë të dobët, nuk mund të shohim qartë aspektet e tjera të dizajnit që ka ndryshuar Samsung. Edhe nëse spekulojmë, gjithsesi na duhet të presim derisa të zbulohen disa foto me kualitet më të mirë.
Gjithsesi, pritet që imazhe me kualitet më të mirë të Galaxy S11 të zbulohen përpara zbulimit zyrtar të smartphone-it në shkurt të 2020. Nuk do të na surprizonte aspak nëse të gjitha parametrat e telefonit do të zbuloheshin përpara lançimit të flagship-it.
