Astralis mposhtin 100 Thieves dhe fitojnë në IEM Beijing

Astralis patën një performancë perfekte në Kinë

Pas një fitoreje të vështirë 16-14 në Vertigo, Astralis mposhtën 100 Thieves në Nuke (16-5) dhe Train (16-3) për t’u shpallur kampionë të IEM Beijing në CS:GO.

Danezët ishin të pamposhtur gjatë këtij tournament-i. Astralis fituan të 9 hartat që luajtën dhe shkatërruan FaZe dhe 100 Thieve në playoff.

Lukas “gla1ve” Rossander ishte favorit për të fituar çmimin MVP përpara finales dhe ai pati më shumë vrasje se të gjithë. IGL i Astralis e mbaroi këtë seri me 66 vrasje, 40 vdekje dhe një 1.47 rating, i cili i dha atij trofeun e parë MVP në karrierë.

Astralis ishin perfektë gjatë IEM Beijing me katër lojtarë të tyre, gla1ve, device, Xyp9x dhe Magisk me rating shumë të mira. Gla1ve ishte në vend të parë me 1.48 rating në 9 harta.

Me këtë triumf, Astralis fitoi $125,000 dhe u fut në garën e Intel Grand Slam duke fituar pikën e parë. Astralis, Team Liquid, Evil Geniuses dhe Fnatic kanë të gjitha 1 pikë.

Kur renditja e HLTV të update-ohet, Astralis do të kalojë EG dhe do të ngjitet në vend të parë duke qënë sërish ekipi më i mirë i CS:GO. Amerikanët patën një turnament të keq duke mos u kualifikuar në playoffs. Megjithatë ,ky vit është ende i gjatë.

Turnamenti i rradhës për Astralis do të jetë ECS Season Eight Finals, të cilat nisin në 28 nëntor.