Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Ai pritet të kushtojë rreth $5000
A do të futet Apple në botën e gaming PC dhe të konkurrojë me firma të njohura si Alienware dhe Razer? Sipas disa zërave të fundit, duket se po.
Gjigandi teknologjik duket se po punon për një “esports PC” i cili do të kushtojë deri në $5,000. Sipas raportimeve, ky PC mund të vijë në formën e një desktop-i all-in-one si iMac ose si një laptop i madh për gaming i ngjashëm me Razer Blade 17 Pro.
Gaming Mac i Apple mund të zbulohet në qershor gjatë konferencës vjetore Worldwide Developer Conference dhe mund të lançohet gjatë vitit të ardhshëm.
Një PC i dedikuar për gaming do të ishte një territor i ri për Apple, por lëvizja nuk është dhe aq surprizuese. Kompania tentoi të futej gjatë 2019 në industrinë e gaming duke sjellë Apple Arcade, një shërbim me abonim mujor që kushton $5 dhe sjell më shumë se 100 lojëra që mund të luhen në iOS, Mac dhe Apple TV. Duke qënë se në këtë platformë ka lojëra nga zhvillues si Sega, Ubisoft, Warner Bros., Capcom etj., duket se ata tashmë i kanë krijuar lidhjet me publikues të mëdhenj të lojërave.
Apple gjithashtu ka mjaft eksperiencë me hardware të nivelit të lartë, pasi zbuloi kohët e fundit Mac Pro, i cili nis me një çmim prej $5,999, por mund të shkojë deri në $52,199, me parametra si një CPU 28-core, 1.5TB RAM, dy GPU Radeon Duo dhe 4TB SSD.
Apple, ndryshe nga firma të tjera si Dell, HP, Acer dhe Asus, nuk ofron një laptop gaming dhe ky do të ishte një treg ku kompania mund të kishte shumë sukses, duke hedhur poshtë idenë që Mac nuk është i mirë për gaming.
Megjithatë, këtu qëndron i gjithë problemi. Edhe pse lojëra si League of Legends, Fortnite dhe World of Warcraft suportojnë Mac, të tjera si Apex Legends, Red Dead Redemption 2 dhe Call of Duty: Modern Warfare mungojnë. Ardhja e një gaming Mac mund t’i shtynte zhvilluesit të sillnin lojërat e tyre edhe në MacOS.
Padyshim që këto janë vetëm zëra dhe nuk duhen marrë si të mirëqëna. Do të na duhet të presim edhe pak muaj deri në WWDC për të parë nëse Apple do të sjellë vërtetë një gaming Mac.
