ANAREA battle royale është praktikisht H1Z1 e re

AXC GAMES është një studio zhvillimi e pavarur frenceze, që u themelua në prill të këtij viti. Duke filluar si një studio me tre punonjës, tashmë kompania është zgjeruar dhe ka 10 njerëz që po punojnë me lojën e ardhshme ANAREA Battle Royale.

Zhvilluesit shpjegojnë se ANAREA do të jetë një lojë e shpejtë battle royale “që do të ketë si synim të jetë dinamike dhe inovative.” Para pak ditësh, studioja postoi trailerin e parë të saj. Ky i fundit ka shkaktuar bum-in e tij të konsiderueshëm në median sociale.

Dizajni third-person i bashkuar me grafikat dhe hartën e lojës, solli që shumë persona të dilnin në konkluzionin se battle royale-i ishte i frymëzuar nga H1Z1. Disa prej tyre edhe bën krahasimin e audios së armëve.

Harta e ANAREA, është një mjedis post-apokaliptik i cili do të përmbajë një battle royale me 60 lojtarë. Zhvilluesit gjithashtu thonë se ajo do të jetë relativisht më e vogël se hartat në battle royale-t e tjera.

“Gameplay i aftë dhe agresiv, nuk ka fazë të gjatë loot-i. Padyshim që do të jetë e nevojshme të ketë efiçensë dhe shpirt luftarak për të arritur fitoren. Me ANREA duam të theksojmë ndjenjën e lojtarit kur ai ta luajë lojën.”

Loja është përllogaritur të vijë në dhjetor të 2019s, por duke marrë parasysh skuadrën e vogël të zhvillimit, do të thonim që kjo mund të ndryshojë.