Amazon po zhvillon një ‘game streaming service’?!

Raporte të shumta pretendojnë se Amazon po zhvillon një shërbim streaming, duke u bashkuar me projektin Microsoft xCloud dhe Project Stream të Google, me kompaninë tashmë në bisedime me botuesit për shtimin e librarive të tyre në platformë. Dhe kjo mund të lançohet në fillim të vitit të ardhshëm.

Ndërkohë që Amazon ka ende për të komentuar, raportet nga The Information dhe Deadline thonë se burime të shumta të njohura me projektin kanë konfirmuar ekzistencën e tij, edhe pse hollësitë janë të rralla.

Thashethemi padyshim do të shkaktojë më shumë diskutime për rënien e konsolave dhe një botë ku të gjithë bëjnë ‘stream’ lojëra 4K në telefonat e tyre, por është shumë herët të parashikohet ndikimi i projektit përpara se të bëhet publikimi i tij. Sigurisht, nuk dihet nëse do të jetë një “shpikje revolucionare” deri tani, edhe pse premisat janë të shumta, duhet ta themi.

Beta e Project Stream të Google vetëm konfirmoi se ata janë ende mjaft larg të qenit në gjendje të gëzojnë të njëjtën cilësi të përvojës kur bëjmë ‘stream’ një lojë siç ne bëjmë, pa ‘cloud’. Sigurisht, të jesh në gjendje të luash Assassin’s Creed Odyssey në Chrome ishte shumë mbresëlënëse, por disa koncesione ishin të dukshme, nga ‘framerate’-i në cilësinë grafike, si për shembull.

Pa marrë parasysh se sa mirë këto shërbime streaming përfundojnë të jenë, ato gjithashtu do të kufizohen nga infrastruktura. Ndërkohë që disa pjesë të botës mund të gëzojnë shpejtësi të madhe të internetit, shumica nuk e kanë atë luks dhe nuk janë as konsistente në fusha të vogla. Konsolet dhe PC-të e shtrenjta janë një pengesë, por ato janë akoma më pak të pakapërcyeshme sesa interneti me shpejtësi të ulët.

Ama kjo nuk është e vetmja “futje hundësh” e Amazon në industrinë e video-lojërave. Ata gjithashtu po drejtojnë një shërbim Twitch Prime lidhur me Amazon Prime duke zhvilluar New World, një ‘sandbox MMO’, së bashku me Crucible, një ‘battle royale’.