Aktori origjinal i Nathan Drake ka një mesazh për Tom Holland në filmin e Uncharted

Aktori Nolan North, që është dublanti i personazhit të Nathan Drake në lojërat e Uncharted, ka dërguar një mesazh për Tom Holland dhe Mark Whalberg tani që ata kanë filluar punën me filmin e Uncharted.

Filmi i Uncharted ka patur plot fillime të rreme, që kur lajmi për filmin u bë publik në 2007, por më në fund, mbi një dekadë më vonë gjërat kanë filluar.

Tom Holland postoi një foto mbrapa skenave në 15 korrik në instagram, të një karrigeje me emrin Nate mbi të. Captioni shkruante: “Day one Uncharted.”

Sado që reagimet për përzgjedhien e kastit kanë qenë deri diku të miksuara, aktori i zërit origjinal të Nathan Drake, Nolan North, i dërgoi një mesazh dy protagonistëve të filmit në Twitter, duke i uruar më të mirat dhe duke e pasuar këtë me moton ikonike të “Sic Parvis Magna”, që përkthehet në “madhështi nga fillime të vogla”.

Momentalisht nuk është shumë e qartë se sa do të bazohet filmi i Uncharted në lojëra, por sa më shumë t’i afrohemi lançimit, aq më shumë informacione do të zbulojmë.

Filmi i Uncharted do të lançohet në 16 korrik 2021. Kjo do të thotë që fansat do të duhet të presin edhe ca, përpara se të shohin Nathan Drake përpara ekranit.