Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sezoni i 4 i Apex Legends është në mesin e tij dhe Rosie, ose ndryshe Loba ende nuk është shfaqur në lojë. Kemi grumbulluar më poshtë të gjitha të dhënat, teasers dhe leaks se kush mund të jetë legjenda e rradhës në Apex Legends.
Revenant është personazhi më i fundit që është shtuar në lojë, pavarësisht se Respawn njoftoi Forge fillimisht. Gjithsesi pas daljes së sezonit të 4 e gjithë vëmendja u kthye te Loba.
KUSH ËSHTË LOBA?
Sado që identiteti i saj ekzakt është ende një mister, përflitet se Loba është vajza e vogël që pamë në trailerin kinematik të Revenant.
Hitmani vret prindërit e një vajze të vogël, e cila duhet të vazhdojë të mbrohet e vetme. Traileri tregon një vajzë në fund teksa picërron sytë me një dëshirë hakmarrjeje.
Kishte edhe një tjetër të dhënë në trailer që kjo ishte Loba. Përpara sulmit të Revenant, vajzës i jepet si dhuratë një tip ornamenti me kokën e një ujku. Fansat e Loba menjëherë vunë në dukje se ajo mund të jetë një ‘she wolf‘, siç përkon edhe me traditën portugeze të babait të saj, Marcos. Këtu të dhënat fillojnë të puthiten me njëra-tjetrën. Kjo dhuratë nuk mund të jetë një rastësi apo jo?
SI DËGJUAM FILLIMISHT PËR ROSIE?
Pak a shumë si çdo gjë në Apex Legends, shenjat e para për këtë personazh të mundshëm erdhën nga leaks. Rosie/Loba ishte një nga legjendat më të herdhme që u bë leak nga filet e lojës. Ajo ishte pjesë e personazheve që u bënë leak në batch 11, bashkë me Octane, Wattson dhe Crypto.
Datamineri That1MiningGuy spekuloi se Rosie ishte tutorja e Wattson kur ajo po rritej në Kings Canyon, duke e ndihmuar babain e saj të bënte lojërat e Apex. Në një pikë, Rosie u riquajt Loba. Siç është zbuluar dhe në kodet e lojës, aftësitë e saj janë kryesisht të fokusuara në loot, duke i dhënë asaj aftësinë për të gjetur dhe vjedhur sende si asnjë nga legjendat e Apex më parë.
A DO TË JETË LOBA PERSONAZHI I RI NË APEX LEGENDS ?
Më parë besohej se Rosie/Loba do të vinte në sezonin e tretë, pasi ajo ishte legjenda që ishte zhvilluar më shumë nga të gjithë. Sigurisht që për atë sezon morëm Crypto. Normalisht do të mendonim se sezoni i katërt do të ishte porta hyrëse e Loba, por edhe këtë rradhë Respawn na kapi në befasi.
Kjo mund të nënkuptojë se do të presim deri në Season 5 për ta parë atë në lojë. Fundja deri më tani, Respawn ka shtuar vetëm nga një legjendë për sezon, ndaj nuk ka përse kjo rradhë të jetë ndryshe.
Gjithsesi ka arsye që na bëjnë të besojmë se Respawn mund të sjellë dy legjenda në sezonin e katërt. Së pari, vajza e vogël e parë në trailer ishte goxha prezente, do të thotë që Respawn po tenton të thotë diçka këtu.
Të dhënat në fakt shkojnë përtej trailerit. Season 4 është ndryshe nga sezonet e tjera, sepse nga një ndarje sezonale në mes të tij. Qëllimi kryesor i kësaj është për Ranked mode, por ku i dihet ndoshta përdoret edhe për të sjellë një legjendë të re.
Më e rëndësishmja, Kings Canyon gjithashtu do të rikthehet për sekond split duke filluar në 24 mars. Momentalisht çdo gjë që dimë për Kings Canyon është se do të jetë në Ranked play, por me siguri do të bëhet i disponueshëm edhe në ndeshje të tjera.
Kjo ndarje, bashkë me rikthimin në Kings Canyon është momenti perfekt për ta sjellë një legjendë të re. Ndoshta Loba merr vesh se Games po rikthehen dhe se Revenant (që vrau prindërit e saj) po vjen gjithashtu. Mundësia më e mirë për hakmarrje ?
