Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Disa fansa të Grand Theft Auto janë duke pritur që të shohin një njoftin për GTA 6 në Game Awards. Ja se çfarë dimë ne deri tani. Spekulimet dhe teoritë për GTA 6 kanë qarkulluar prej kohësh tashmë edhe gjatë kohës kur Rockstar Games e kishte fokusin në Red Dead Redemption 2.
Loja mendohet të jetë në zhvillim e sipër, me thashetheme që sugjerojnë se ajo mund të vendoset në Amerikën e Jugut ose të zhvillohet në disa kontinente dhe periudha kohore të ndryshme, në një histori të stilit të Narcos. Tani shpresa e re për fansat është që loja të njoftohet në 12 dhjetor gjatë Game Awards.
Në të shkuarën, zhvilluesit e kanë përdorur shpesh shfaqen për të zbuluar disa nga projektet e tyre të reja, përmes teasers dhe trailers. Edhe këtë vit gjërat nuk do të ndryshojnë, pasi prezantuesi i Game Awards, Geofff Keighley konfirmoi se do të ketë 10 zbulime për lojëra të panjoftuara më parë.
Duke qenë se Rockstar do të jet prezent gjatë eventit, fansat kanë nisur menjëherë spekulimet mbi njoftimet që mund të bëjë studioja. Në fakt bën sens që një nga ato dhjetë projekte të jetë Grand Theft Auto 6, mbi të gjitha për faktin që shumë lojtarë besojnë se ajo do të vijë me lançimin e PS5, që është vetëm një vit larg.
Gjithsesi, në të kaluarën, Rockstar ka qenë relativisht individual në mënyrën se si i bënte gjërat, duke i zbuluar edhe GTA V edhe Red Dead Redemption 2 në mediat e tyre sociale. Studioja zakonisht qëndron larg eventeve të tilla për lojërat, por gjithsesi kurrë nuk i dihet.
Nëse GTA 6 do të zbulohet në 12 dhjetor, kjo mbetet që të presim dhe ta shohim, por fansat është e sigurtë që do të vazhdojnë të luten që kjo gjë të ndodhë.
