Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Leak-u për Fortnite Chapter 2 përpara ardhjes së sezonit të ri ka sjellë shumë emocione dhe pyetje te fansat. Le të shohim pra disa nga gjërat që kemi mësuar nga ky leak.
Imazhi i përfshirë në të tregonte një thumbnail prej tre personazhesh përballë një terreni që nuk e kemi parë kurrë më parë dhe emrin e lojës të shoqëruar me një Chapter 2 poshtë.
Pas kësaj shumica e fansave janë të bindur se një hartë e re do të vijë në Fortnite, por po ta shohësh imazhin me vëmendje mund të vëresh plot detaje që sugjerojnë se çfarë do të vijë në sezonin e ardhshëm të battle royale-it.
Më në fund një hartë e re!
Duke marrë të mirëqenë që ky leak është i vërtetë, atëherë nuk e vëmë dot në dyshim që një hartë e re do të vijë në Fortnite. Ky mund të jetë deri tani ndryshimi më i madh që Epic Games ka bërë ndonjëherë për lojën.
Me një botë të re që do të hapet për lojtarët, edhe skena kompetitive do të ndryshojë pak, pasi fansat do të ripërcaktojnë pikat e interesit të lojës, që janë më të mira për tu ulur.
Season 11 quhet “Chapter 2”
Sado që harta e re është ajo që merr pjesën më të madhe të vëmendjes në këtë leak, vendimi për ta quajtur sezonin e ardhshëm Chapter 2, më shumë ka sjellë pyetje se sa ju është përgjigjur atyre.
Mos Chapter 2 nënkupton që Epic do e lërë pas strukturën e sezoneve, ose mos numrat e sezoneve do të fillojnë nga e para tani që kemi të bëjmë me një kapitull të ri? Ka gjasa që termi Season 11 as mund të mos aplikohet fare.
Barkat janë mjetet më të reja
Duket se Chapter 2 mund të mos jetë për ata që i zë deti, sepse në hartën e re do të ketë barka, diçka që nuk është parë kurrë në Fortnite. Në imazhin e bërë leak, shihen qartë jo një, por dy barka që ndodhen në lumin poshtë personazheve. Këto barka me shumë mundësi do të përdoren për të qarkulluar rreth hartës.
Kjo gjithashtu sugjeron se në hartën e re do të kemi një prezencë më të madhe të ujit. Kjo gjë është interesante sepse elementi i ujit nuk ka patur kurrë rëndësi të madhe në hartën e tanishme.
Në distancë ka një far
Nëse shikoni me vëmendje në të majtë të horizontit do të shikoni një far prapa mjegullës dhe reve që po mbulojnë hartën. Kjo është interesante sepse nëse Epic e përfshiu në imazh, atëherë kjo mund të jetë një pikë interesi e re.
Plus prezenca e një fari mund të nënkuptojë që do të ketë plazhe në cepat e hartës që lojtarët mund ti aksesojnë. Të vetmet plazhe në hartën e tanishme ndodhen në Lazy Lagoon dhe ujërat që rrethojnë ishullin shkaktojnë vdekje të menjëhershme te lojtari.
Harta e re mund të mos ketë ende bioma
Kjo është ende pak si me pikëpyetje, pasi rezolucioni i imazhit nuk është edhe aq i mirë, por asgjë në teaser nuk hedh shenja drejt biomave në hartën e re, të paktën kur të lançohet Chapter 2.
Biomat fillimisht u shtuan në hartën e tanishme në Season 5, kur cepi juglindor u kthye në një shkretëtirë gjigande. Në Season 7 pastaj, një ajsberg gjigand mbuloi cepin jugperëndimor. Nuk mund të jemi kurrë të sigurtë, por nëse Epic kishte në plan të shtonte diçka të ngjashme të hartë, do e kishte përfshirë në teaser.
