X018 do sjellë lajme të mëdha mbi PUBG dhe Shadow of the Tomb Raider

Microsoft do të startojë me X018 më vonë këtë javë në Mexico City dhe kanë nisur qarkullimet e fjalëve mbi çfarë fansat mund të presin nga evenimenti. Për ju që sapo e dëgjuat këtë term për herë të parë, X018 esht një celebrim i Xbox për fansat e tij. E gjitha tingëllon mjaft e ngjashme me eventin PlayStation Experience të Sony-t (i cili nuk do të organizohet këtë vit). Microsoft premton se X018 do të na ballafqojë me shumë njoftime të reja.

Ҫfarë lloj njoftimesh? Microsoft u tregua mjaft specifik, duke u shprehur se do të kemi lajmërime mbi PUBG, Shadow of the Tomb Rider dhe State of Decay 2. Mbi të gjitha na intrigon lajmërimi mbi PUBG. Tani që në këtë pikë versioni Xbox One është në një vijë me versionin PC, ndoshta do të kemi diçka madhore drejt nesh. Microsoft gjithashtu ka premtuar se do të zbulojnë dhe lojëra të reja Xbox Game Pass në këtë event.

X018 do të zgjasë përgjatë 10-11 nëntorit me transmetim në Mixer gjatë gjithë ditës. Inside Xbox Show do të zërë vend të shtunën, ora: 15:00-17:00; dhe mund të ndiqet në YouTube, Twitch dhe Mixer.