Rainbow Six Siege mund të sjellë përsëri Night Maps

Night Maps kanë qenë një veçori e rëndësishme me Rainbow Six Siege por të cilat u hoqën fatkeqësisht për arsye “competitive”. Por pas “ngacmimeve” të vazhdueshme nga komuniteti, Ubisoft mund t’i rikthejë këto harta.

Për të gjithë ju që nuk e dini çfarë janë Night Maps, Night Maps janë hartat normale të Rainbow Six Siege por të vendosura gjatë natës duke iu ofruar lojtarëve më pak ndriçim por një eksperiencë ndryshe.

Por fatkeqësisht kjo veçori u hoq nga loja për arsye se ndikonte në aspektin competitive të lojës në 2019. Dhe kjo gjë nuk u prit shumë mirë nga komuniteti i cili i adhuronte këto harta.

Dhe tashmë ngacmimet e shpeshta nga fansat, Ubisoft është shprehur se Night Maps mund të vijnë por që asgjë nuk është e sigurt. Ata duhet të sigurohen që këto harta të ofrojnë një ambient të duhur që të mos ndikojë negativisht në eksperiencën e lojtarëve.