Thuhet se PlayStation Game Pass do të vijë së shpejti

Sipas një raporti të ri, konkurrenti i përfolur prej kohësh i PlayStation për Xbox Game Pass, i koduar Spartacus, mund të jetë gati për zbulimin e tij madhështor “që në fillim të javës së ardhshme”. Do të jetë një opsion i ri i madh për përdoruesit e PlayStation dhe ndërsa raportohet se futet në shërbimin PlayStation Now të bazuar në Sony Cloud services, mund të ketë disa përdorime kryesore për lojtarët e PC-ve që kërkojnë të futen në lojëra ekskluzive për konsola.

Sony “po përgatitet të prezantojë një shërbim të ri abonimi për lojëra për PlayStation që në fillim të javës së ardhshme”, siç raporton Bloomberg. Sipas raportit, shërbimi do të kombinojë shërbimet ekzistuese PlayStation Now dhe PlayStation Plus, dhe do të ofrojë një librari lojërash për t’u shijuar, në stilin Xbox Game Pass, në një sërë nivelesh abonimi.

Raporti flet se niveli më i shtrenjtë do të lejojë aksesin në “demo të zgjeruara dhe aftësinë për të transmetuar lojëra përmes internetit”. Nëse funksionon si PS Now, kjo do t’i lejojë lojtarët e PC-ve të shijojnë disa lojëra ekskluzive të konsolës direkt në kompjuterin e tyre. Megjithatë, raporti sugjeron që nuk ka plane për të lejuar aksesin e day one në lojërat kryesore të first party si God of War Ragnarok përmes abonimit.

Në shkurt, GamesBeat raportoi se do të ekzistonin tre nivele për abonimin në PlayStation. Me 10 USD në muaj, lojtarët do të kenë akses në përfitimet që lidhen aktualisht me PS Plus. Me 13 USD, ata do të kishin akses në një bibliotekë më të madhe lojërash për t’u aksesuar. Me 16 dollarë, do të përfshihen gjithashtu streaming, lojërat retro dhe free trials të lojërave.