Nxitoni të hyni në fazën Closed Beta të Rainbow Six Mobile

Disa muaj pas njoftimit se një version mobile i lojës goxha popullore të Ubisoft, Rainbow Six Siege, do të vinte, më në fund kemi një njoftim se një fazë Closed Beta do të zhvillohet  së shpejti. Por si të merrni pjesë?

Sipas informacioneve që kemi, versioni mobile i R6S do të quhet Rainbow Six Mobile dhe faza Closed Beta do të nis gjatë vjeshtës së këtij viti. Tashmë lojtarët mund të regjistrohen paraprakisht në Google Play. Fatkeqësisht kjo do të jetë e vlefshme vetëm për lojtarët në pajisjet Android.

Por lojtarët që janë në iOS nuk duhen të mërziten pasi pas testimit të parë gjatë kësaj vjeshte, një testim i veçantë vetëm për iOS do të kryhet. Ekipi zhvillues është duke punuar fort që ta bëjë këtë gjë të mundur.

Për t’u regjistruar paraprakisht në testimin e ardhshëm Closed Beta, duhet të nxitoni të regjistroheni në website zyrtar të Rainbow Six Mobile dhe të ndiqni hapat përkatës. Gjithashtu duhet të keni parasysh që vetëm një numër i caktuar lojtarësh do të kenë mundësinë të jenë pjesë.

Cfarë dimë deri më tani për Rainbow Six Mobile?

Rainbow Six Mobile do të jetë një version mobile i Rainbow Six Siege me harta, operator dhe mekanika të përshtatura për t’u luajtur në pajisjet mobile. Nëse po pyesni veten se cilat harta ose operatorë do të vijnë në Rainbow Six Mobile, më poshtë kemi bërë një listë me hartat dhe operatorët që kemi informacione se do të jenë pjesë.

Operatorët që do të jenë pjesë e Rainbow Six Mobile

• Ash
• Sledge
• Twitch
• Thermite
• Hibana
• Thatcher
• Ying
• Caveira
• Bandit
• Rook
• Smoke
• Valkyrie
• Mute
• Recruit
• Operatorë të tjerë priten të vijnë në vazhdim

Hartat që do të jenë pjesë e Rainbow Six Mobile

• Bank
• Borders
• Harta të tjera priten të vijnë në vazhdim

Informacione të reja priten të zbulohen në vazhdim nga Ubisoft në lidhje më Rainbow Six Mobile.