Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Call of Duty: Mobile është e para në iOS App Store
Pas shumë muajve në closed beta, Call of Duty: Mobile më në fund u lançua në të gjithë botën për Android dhe iOS gjatë ditës së djeshme. Dita e parë shkoi shumë mirë, me miliona ndeshje të luajtura ndërkohë që loja arriti në krye të klasifikimeve të aplikacioneve si në Play Store ashtu edhe në App Store.
Për të festuar lançimin e lojës, një event “Lighting Up the World” filloi, i cili i jep lojtarëve shpërblime sa më shumë ndeshje që ata luajnë. Deri më tani, janë luajtur më shumë se 39 milionë ndeshje në të gjithë botën dhe ky numër vazhdon e rritet. Të gjithë lojtarët mund të shkojnë tek Events për të marrë Abnormality Camo Skin për granatat dhe thikat, të cilat respektivisht u fituan kur u luajtën 10 milionë dhe 25 milionë ndeshje.
Call of Duty: Mobile kaloi 5 milionë downloads shumë shpejt në Google Play Store, vetëm pak orë pas lançimit. Ajo gjithashtu kaloi Mario Kart Tour të Nintendo në krye të klasifikimeve të iOS App Store në Shtetet e Bashkuara. Trafiku i madh i lojtarëve solli probleme tek serverat e lojës. Këto probleme u zgjidhën nga Activision, të cilët gjithashtu dhanë dhuratë 500 credits dhe një Weapon XP Card për problemet e shkaktuara.
Shifrat e tjera që duhet të arrihen janë 50, 100 dhe 300 milionë. Eventi do të vazhdojë dhe 12 ditë të tjera, prandaj këto shifra priten të arrihen lehtësisht.
Call of Duty: Mobile kombinon elementë të ndryshëm nga lojërat e serisë Call of Duty, duke sjell në mobile personazhe, harta, armë dhe mode shumë popullore të lojës. Brenda saj është gjithashtu dhe një mode battle royale, i cili mund të luhet në first person por dhe në third person. Një mode zombie pritet të vijë së shpejti në lojë.
