A po kthehet Among Us në një esport?

Ndoshta gjithçka mund të ndodh në Among Us por e imagjinoni dot atë si një esport?

Kohët e fundit kemi parë shumë ngjarje të ndryshme të cilët kanë ndodhur me Among Us dhe ngjarja më e fundit është një tournament midis streamers të ndryshëm. Edhe pse Among Us nuk është një esport si CS:GO dhe LoL, përsëri e ka gjetur një mënyrë për t’u shfaqur si esport. Kjo ndodhi para disa ditësh në një tournament të organizuar nga Faze.

Në pamje të parë mund të duket pothuajse e pamundur për ta kthyer ketë lojë në esport. Gjatë çdo raundi dy lojtarë zgjidhen në mënyrë të rastësishme si imposter kurse lojtarët e tjerë si crewmate. Imposter duhet të vrasin cdo crewmate pa u zbuluar teksa crewmate kryejnë detyrat që iu janë caktuar.

Për ta kthyer ketë lojë në një përballje competitive ndërmjet lojtarëve është vendosur një sistem pikësh. Për shkak se është më e vështirë për të fituar nëse jeni një imposter, nëse një imposter fiton merr më shumë pikë kurse nëse fitojnë crewmate marrin më pak pikë. Gjithashtu imposter marrin një pikë për çdo vrasje kurse crewmate marrin dy pikë për çdo votë të saktë dhe humbin një pikë nëse japin një votë të gabuar.

Ky sistem bëri që të gjithë të luanin në një mënyrë ndryshe nga ato çfarë ne jemi mësuar të shohim zakonisht. Kishte momente kur imposter zbulohej, imposter ndiqte nga pas crewmate për t’i vrarë dhe për të marrë pikë dhe kishte momente kur imposter përpiqeshin të mashtronin crewmate në mënyrë që të votonin gabim dhe të humbnin pikë.

Por ky sistem kishte edhe problemet e veta. Shumicën e kohës crewmate luanin në mënyrë të kujdesshme dhe lëviznin në grupe. Kjo gjë e bënte të vështirë për imposter të cilët silleshin vërdallë duke i bërë ata të dyshuar. Kishte raste kur kjo gjë e bënte lojën të vazhdonte kot dhe ulte interesin e shikuesve.

Por përsëri kishte lëvizje të ndryshme nga të gjithë dhe një nga më të pëlqyerat ishte ajo e Jellypeanut. Ai ndahet nga crewmates dhe kryen një vrasje. Më pas ai bën vent duke u bashkuar përsëri me crewmate dhe gjatë rrugës gjejnë lojtarin që ai vrau. Edhe pse ai nuk e fitoi atë raund përsëri ishte një lëvizje e bukur që i dha atij disa pikë.

Fituesi i këtij tournamenti u shpall Yetiapocalypse i cili u shpall si lojtari më i mirë në Botë nga Faze Clan. Askujt ndoshta nuk mund t’i ketë shkuar ky sistem për ta bërë ketë lojë esport dhe shumë prej fansave shpresojnë të shohin gjëra të tilla në të ardhmen.