Google nuk do të sjellë një beta për Stadia. Thjesht besoni kompaninë dhe blijeni.

Google Stadia ka qenë një tematike bisede prej kohësh tashmë në botën e gaming dhe zbulimi më i fundit, thjesht i ka shtuar më shumë hype shërbimit të streaming. Fansat janë shumë të emocionuar për ta provuar, por gjithsesi do ju duhet të prisni derisa të lançohet, pasi nuk do të ketë një beta.

Phil Harrison, zëvendës presidenti i Google dhe kreu i Stadia, e ka konfirmuar këtë në një intervistë të mbajtur sot. Disa thonë se Stadias do i duhet të kalojë një periudhë sprovash, përpara se të bëhet e përdorshme.

Ka shumë faktorë të jashtëm jashtë kontrollit të Google që sjellin drejt këtij vendimi. Vitin e kaluar, disa përdorues arritën ta provonin një beta. Kjo ishte përmes Project Stream, që i lejoi lojtarët të luanin Assassin’s Creed Odyssey nga browseri i tyre.

Gjithsesi, eksperienca ishte e kufizuar për një numër shumë të ngushtë lojtarët dhe disa që morën pjesë, thanë që as nuk funksionoi siç duhej. Ndaj kjo është një gjë që vërtet të bën të dyshosh strategjinë e Google për lançimin e platformës.

“Nga ana gjeografike, SHBA është një nga vendet më komplekse për të kryer testime, e gjitha kjo prej përmasës së vendit. Dhe realisht Europa dhe MB janë vende më të lehta për të bërë një lançim. Ndaj nuk do të bëjmë testim në këto vende. Nëse do të kishim kohë do ta bënim, por nuk është nevoja.” Është shprehur Google.

Pse është Google kaq i sigurtë që nuk do ta testojë fare Stadia në një Beta? Mesa u kuptua nga intervista, duket se thjesht janë shumë të zënë për momentin dhe nuk ju del koha ta bëjnë. Në këtë pikë, le të shpresojmë që ideja e tyre të funksionojë.