Epic punoi me vëllezërit Russo për të krijuar trailer-in më të fundit të Fortnite

Interneti shpërtheu me biseda dhe reagime rreth tregimit kinematografik për Fortnite Kapitulli 2, Sezoni 6, Zero Crisis, dhe tani ne e dimë se Epic Games ka punuar me regjisorët e Avengers: Infinity War dhe Endgame, Anthony dhe Joe Russo për të krijuar një trailer.

“Finalja e Zero Crisis është një moment përcaktues për atë që do të vijë më tej në Kapitullin e Dytë në lojë.” tha Donald Mustard. “Kur po shtronim historinë për Sezonin e Pestë dhe Sezonin e Gjashtë, ne dëshironim ta tregonim atë në një mënyrë vërtet autentike dhe të drejtuar nga personazhet dhe e dinim se nuk kishte njeri më të mirë për të na ndihmuar të arrinim qëllimin tonë përveç Russo-ve.”

Vëllezërit Russo dhe Epic kanë punuar së bashku disa herë tani, me regjisorët që kanë udhëhequr bisedat midis kompanisë së lojrave dhe Marvel përreth kryqëzimit të parë Fortnite dhe Avengers në 2018. Ky partneritet ka vazhduar dhe tani çifti punon me Epic për përmbajtje të mrekullueshme për lojën.

“Ka qenë fantastik bashkëpunimi me ekipin në Epic.”, thanë vëllezërit Russo. “Fortnite mban një vend unik në kulturën e sotme dhe ne mendojmë se Donald Mustard është një tregimtar vizionar i cili vazhdon të na çojë të gjithëve në një territor të pashkelur.”

Trailer-i fokusohet te Agent Jones që punon për të stabilizuar The Zero Point dhe që i duhet të bashkohet me një personazh të njohur si The Foundation për t’u siguruar që një kolaps i plotë nuk e dëmton të gjithë realitetin.

Me personazhe nga universë të shumtë, duke përfshirë Street Fighter, Marvel dhe franchise filmi si Terminator, vëllezërit Russo kanë shumë imagjinatë dhe janë gati të luajnë me të dhe fansat po presin pa durim ndërsa Zero Crisis po afrohet.