Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Më shumë features sociale do të vijnë te launcher-i, duke përfshirë një “party system” me voice dhe text chat!
Kanë kaluar më shumë se dy vjet që nga lançimi i Epic Games Store dhe ndërsa sigurisht që ka qenë një vend i jashtëzakonshëm për të marrë lojëra falas për PC çdo javë, ana sociale e tij ka mbetur mjaft mbrapa. Kjo është vendosur të ndryshojë me një grumbullim shoqëror online që Epic e quan “Party System”. Kompania prezantoi një “party system” të ri i cili është në zhvillim: një mënyrë për gamer-at që të grupohen dhe të bisedojnë brenda ose dhe jashtë lojërave. E ngjashme me Discord channels, party “windows” do t’i lejojnë përdoruesit e Epic Store të bisedojnë me njëri-tjetrin pavarësisht nëse janë në një lojë së bashku. Party-t do të mbështesin voice, video dhe text chat.
Vizioni i Epic është për party cross-platform ku ju mund të “ndani highlights më të fundit për të bindur miqtë tuaj për të luajtur një lojë me ju” ose “të filloni një lojë me vetëm disa miq në grup ndërsa jeni në gjendje të vazhdoni të flisni” me gjithë të tjerët. Pra, ‘dhoma’ moderne chat-i, pak a shumë. Mesa duket Epic po planifikon të shtojë disa nga features që e kanë bërë Discord një zgjedhje të popullarizuar mes gamer-ave. Premtimi i video chat-it gjithashtu do të thotë që Epic po shkon pak përtej asaj që aktualisht është në dispozicion në friends list në Steam.
“Ne duam ta shndërrojmë Epic Games Store në një vend ku mund të lidheni me miqtë tuaj ndër platforma, lehtësisht të keni qasje në biseda zanore dhe të luani lojëra së bashku pa humbur asnjë moment.”, thotë postimi.
Epic nuk specifikon se kur mund të shohim aplikimin e këtij “party system” – karta në bordin zyrtar të Trello-s kategorizohet ende si “zhvillim i ardhshëm”, pa asnjë datë lëshimi.
Sidoqoftë, këtë muaj, përdoruesit e Epic Games Store mund të presin të shohin:
- Player cards që ofrojnë më shumë detaje rreth miqve.
- Një funksion të përmirësuar kërkimi për gjetjen e njerëzve që njihni nga platforma të shumta, si dhe një pamje të minimizuar për social panel gjatë shfletimit të dyqanit.
- Një buton të ri ‘Do Not Disturb’.
Epic gjithashtu tha se do të çaktivizojë funksionin ‘whisper’ në social panel të dyqanit për shkak të mungesës së përdorimit.
Këto ndryshime duhet të ndodhin në javët e ardhshme, ndërsa “party system” është ende larg.
