Drejtori i Anthem largohet nga BioWare

Jonathan Warner ka qëndruar me BioWare për gati një dekadë.

Në shkurt, Electronic Arts më në fund dha një lajm mbi lojën third-person shooter të BioWare, Anthem, duke deklaruar se “jo gjithçka që kishim planifikuar si studio para COVID-19 mund të realizohej pa u dhënë stres të tepruar skuadrave tona“.

Për shkak të kësaj drejtori i lojës Jonathan Warner njoftoi sot se pas gati një dekade në studio, ai ka dëshirë të provoi gjëra të tjera. 

“Kështu që, sot është dita ime e fundit në BioWare, unë po vazhdoj të bëj gjëra të reja,” shkroi Warner në Twitter. “BioWare ka qenë shtëpia e zemrës time mirënjohëse për gati 10 vjet dhe unë dua t’i uroj të gjitha të mirat. DA ME dhe SWTOR janë në duar të mira dhe mezi pres të luaj nga kjo anë e ekranit.” 

Së bashku me Anthem, Warner vlerësohet si drejtor loje në Mass Effect: Andromeda dhe si producent në Mass Effect (për Mass Effect Trilogy) dhe Mass Effect 3: Citadel, dhe faqja e tij në LinkedIn gjithashtu e rendit atë si shefin e stafit të BioWare, një pozicion që ai e ka mbajtur që nga maji i vitit 2019. Para hyrjes në studio, ai ishte një producent në The Walt Disney Company dhe një drejtues prove në Microsoft Games Studio.   

Pavarësisht prej hype-it fillestar dhe një tufë premtimesh para publikimit, Anthem ishte një zhgënjim i jashtëzakonshëm që nga lançimi, deri në pikën që BioWare duhej të pranonte se problemet nuk mund të rregulloheshin me patch-e të thjeshta. Në fund të vitit 2019 u raportua se ishte duke u bërë një “rishikim i plotë”, të cilin BioWare konfirmoi përfundimisht. Por asnjëherë nuk ishte në gjendje të fitonte tërheqjen e audiencës dhe përpjekja u braktis në shkurt.