Një fëmijë me controller u bë milioner në turnamentin e Fortnite World Cup

Jason Ashman,i njohur si Wolfiez, doli i dytë në turnamentin e duos të Fortnite.

Një nga fituesit e Fortnite World Cup ishte një djalosh 15 vjeçar. Specifikisht bëhet fjalë për Jaden Ashman dhe parterin e tij Dave Jong që u pozicionuan në vend të dytë gjatë raundit të duos në turnament.

Të dy Ashman dhe Jong morën nga $1.25 milion nga totali $30 milion i prize pool-it. Ata dolën në vend të dytë pas Emil “Nyhrox” Bergquist Pederson nga Norvegjia  dhe David “Aqua” W nga Austira.

Gjithsesi marrdhënia e Ashman me gaming, mbi të gjitha kur vjen puna te familja e tij nuk ka qenë gjithmonë më optimalja. Mamaja e tij ka patur disa gjëra për të thënë mbi sjelljen e të birit, duke cilësuar se një herë edhe i ka flakur tutje Xbox-in. Gjithsesi tani e ka pranuar zgjedhjen e tij për të konkuruar si pro. Le të themi se ndonjëherë $1 milion mund të jenë mjaft bindës.

“Tani që ja kam vërtetuar asaj se çfarë mund të bëj, jam vërtet i lumtur,” ka thënë Ashman. Një tjetër fakti interesant për Ashman është se ja doli të merrte vendin e dytë, duke përdorur një controller dhe jo një tastierë dhe mouse. Ai është një anëtar i asaj që quhet “controller gang”, një grup profesionistash të Fortnite që preferojnë controller-at në vend të setup-it tradicional.

Ja pra historia e një djaloshi të bërë milioner. Në raste të tilla fjalët e Shroud që Fortnite është lekë qyl të vijnë gjithmonë e më shumë në vesh. Sigurisht që djaloshi është fantastik, unik dhe i aftë në atë që bën, por do të doja që të më shperblenin dhe mua me një milion dollarë për gjërat që mund ti bëj mirë.

Nejse fëmijë, morali i kësaj historie është që… luani Fortnite. Ku i dihet ndonjë ditë po ju qesh jeta edhe ju.