NaVi do të zhvillojë një ndeshje midis dy gjeneratave

Më në fund do të kemi mundësi të shohim S1mple vs Markeloff

10 vite më parë, Counter-Strike kompetitiv dominohej nga ekipi i NaVi, i cili kishte në përbërje lojtarë si Zeus, starix, markeloff, Edward dhe ceh9 që fituan gjithçka. Ata ishin ekipi i parë në histori që fituan tre S-Tier tournaments brenda një viti kalendarik dhe pas fitores së DreamHack Winter 2010 vendosën rekordin për më shumë fitime brenda një viti. Lojtarët e atij ekipi ishin fantastikë, me markeloff që ende konsiderohet si një prej lojtarëve më të mirë në histori.

Megjithatë, në CS:GO ekipi nuk pati të njëjtin sukses. Edhe pse kanë patur lojtarë si S1mple, ata ende nuk kanë fituar një Major, ndërkohë që tournament-i i fundit që ata kanë fituar ishte IEM Katowice përpara pandemisë së COVID-19.

NaVi zbuluan në Twitter se kanë në plan të bëjnë një showmatch midis ekipit të 2010 dhe ekipit të tanishëm të NaVi.

Vetë NaVi ka vendosur ta quajë këtë ndeshje Boomers vs Zoomers dhe pritet që të jetë një ndeshje fantastike. S1mple e ka konsideruar gjithmonë markeloff si idhullin e tij, siç mund ta shohim dhe nga ky tweet i 2018.

Një ndeshje midis dy prej AWPers më të mirë në historinë e lojës do të ishte fantastike. NaVi 2010 vs NaVi 2020 do të transmetohet live në Twitch në datën 1 gusht në orën 15:00.