Lojtari më i njohur i Overwatch po lë lojën për Valorant

Jay “Sinatraa” Won po largohet nga San Francisco Shock.

Lojtari më i mirë pro i Overwatch do të kalojë në një lojë të re. Jay “Sinatraa” Won ka lënë Overwatch League San Francisco Shock dhe raportohet se ai do të kalojë në shooter-in e ri të Riot, Valorant. Ky i fundit është akoma në closed beta.

Won do të konkurojë tashmë për Sentinels, e njejta organizatë e esports në të cilën ndodhet edhe kampioni i botës në Fortnite, Kyle “Bugha” Giersforf. Në një postim në Twitter Won tha se u largua nga Overwatch sepse “humbi pasionin për lojën.”

Sentinels thanë se skuadra e tyre do të përfshijë edhe Jared “Zombs” Gitlin, që ëahtë në skuadrën e Apex Legends të Sentinels dhe ish pro-të e CS:GO: Shahzeb “ShahZaM” Khan dhe Hunter “SicK” Mims. Skuadra tha se është duke punuar për të gjetur një anëtar të pestë për skuadrën e Valorant.

Sado që është ende në closed beta, Valorant e ka vërtetuar veten që është dhe që do të jetë një sukses i madh, duke thyer rekorde shikueshmërie në Twitch që ditën e parë të hapjes së saj. Ky tactical shooter, që përzien elementet e CS:GO me Overwatch duket mëse gati për të lënë gjurmë të mëdha në botën e esports.

Sigurisht që zhvilluesi i saj ka një histori të gjatë në competitive gaming, duke operuar me liga të shumta në League of Legends, që së fundmi festoi 10 vjetorin e saj. Shumë lojtarë dhe skuadra po përpiqen të arrijnë një farë stabiliteti, që të jenë gati për tu futur në skenën kompetitive të Valorant.