G2 Esports nis bashkëpunimin me Adidas

G2 Esports arrin një bashkëpunim tjetër të madh dhe kësaj radhe me Adidas

G2 Esports është një prej organizatave më të mëdha në botë në fushën e esports me ekipe në pothuajse çdo lojë e cila ka një esports të sajin. Së fundmi G2 Esports ka zbuluar nëpërmjet një trailer në Twitter bashkëpunim me Adidas, një ndër kompaninë më të madha të prodhimit të veshjeve.

Nëpërmjet këtij bashkëpunimi, Adidas do të prodhojë uniformën e re të G2 për sezonin 2021 të esports dhe do të punojë me organizatën për të sjellë në treg gjithashtu edhe një seri veshjesh të përditshme. Uniformat e re do të përfshijnë teknologjinë e re AERORREADY dhe do të përfshijë një imazh hologram të CEO së G2, Carlos “ocelote” Rodriguez.

Organizata është shprehur se janë tepër të lumtur për ketë bashkëpunim me një kompani veshjesh e cila bashkëpunon gjithashtu edhe me ekipe të tjera si Real Madrid, Manchester United dhe Bayern Munich. G2 Esports është pjesë e fushës së esports në lojëra të ndryshme si Valorant, CS:GO, Rocket League dhe Rainbow Six Siege në të cilën ka patur shumë sukses.

Gjithashtu G2 bashkëpunon me shumë kompani të tjera si BMW, Logitech G, Red Bull dhe shumë kompani të tjera të famshme. Falë këtij bashkëpunimi organizata ka akses ekskluziv në “World of Sports” e cila është arena esports e Adidas në Herzogenaurach të Gjermanisë. Dhe nëse AC Milan është skuadra juaj e preferuar në futboll, kjo skuadër është futur së fundmi në eports me një ekip të sajën.