Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Rambler Group hedh në gjyq Twitch për të drejtat ekskluzive
Twitch njihet kryesisht pasi është shtëpia e disa prej content creators dhe personaliteteve të internetit më të famshëm në botë. Megjithatë, platforma e streaming ka zgjeruar mbulimin e saj, duke përfshirë në të edhe transmetime të sporteve fizike, siç ishte Thursday Night Football në NFL ose Formula 1.
Një incident i kohëve të fundit që ka të bëjë me shkeljen e të drejtave ekskluzive të Premier League angleze në Rusi, ka çuar drejt një padie me vlerë $2.84 miliardë.
Rambler Group bleu të drejtat ekskluzive për transmetimin e Premier League në 2019 për 3 sezone. Kjo marrëveshje kushtoi €7 milionë dhe do të thotë se çdo fans rus i cili do të shohë ndeshjet duhet të përdorë platformat e Rambler.
Ky konflikt lind nga fakti sepse disa streamers në Twitch kanë transmetuar ndeshjet e Premier League në Rusi, duke shkelur të drejtat ekskluzive të Rambler Group.
Sipas screenshot-eve të Rambler, 36.000 shikues panë ndeshje të ndryshme në disa streams, gjë e cila çoi drejt një shkeljeje të copyright.
Fillimisht, Rambler kërkoi që Twitch të bëhej ban tërësisht nga Rusia. Megjithatë, një kërkesë e dytë u bë e cila kërkonte gjobën maksimale për secilin prej 36.000 shikuesëve, e cila llogaritet rreth 180 miliardë rubla ose $2.84 miliardë.
Edhe pse Twitch nuk morri kurrë një ankesë zyrtare nga Rambler përpara se të merreshin veprime ligjore, platforma e streaming i hoqi disa prej kanaleve që kryen këtë shkelje. Streamer-at që u kapën u bënë menjëherë ban përfundimisht nga Twitch.
Megjithatë, media ruse kërkon kompensim për të gjitha dëmet e shkaktuara dhe duket se do të vendosë kufinj të rinj në rajon, duke luftuar gjigandin e streaming deri në fund.
Duke qënë se DMCA nuk është në efekt në Rusi, secili rast trajtohet dhe diskutohet individualisht në varësi të vlerës që ka.
Pavarësisht se është vonuar katër herë për arsye që nuk dihen, një seancë e pestë do të zhvillohet në mënyrë që palët të arrijnë një zgjidhje.
Nuk dihet nëse ky konflikt do të zgjidhet me shpejtësi ose nëse do të paguhen miliardat, por me seancën në 20 dhjetor, pritet që diskutimet të vazhdojnë deri sa të arrihet zgjidhja.
