TimTheTatman, një tjetër streamer që i bashkohet YouTube Gaming

Merkato e futbollit mbaroi, por në botën e GAMIG nuk kanë mbaruar surprizat. DrLupo nuk është streamer i vetëm i Twitch që niset për në YouTube. TimTheTatman ka njoftuar se do të bëjë stream “ekskluzivisht” në YouTube Gaming që nga 2 shtatori. Ai nuk shpjegoi arsyet e këtij kalimi, por kjo vjen më pak se dy vjet pasi ai (plus DrLupo dhe Saqib “Lirik” Zahid) nënshkruan një marrëveshje shumëvjeçare me Twitch.

Ende nuk është e sigurt se kjo përfaqëson një valë të dytë të largimeve nga Twitch. Microsoft nxiti raundin e parë, duke paguar Ninja, Shroud dhe transmetues të tjerë të mëdhenj që të kalonin në Mixer. Sidoqoftë, nuk do të prisnim një përfundim të ngjashëm. Mixer luftoi për të konkurruar kundër rivalëve të saj të stream, duke bërë që Microsoft të mbyllte shërbimin. Krijuesit duhej të gjenin shpejt alternativa, dhe disa prej tyre u kthyen në Twitch me marrëveshje ekskluziviteti. YouTube është në një pozicion shumë më të fortë, edhe nëse nuk është platforma dominuese e stream.

Twitch nuk dha një përgjigje zyrtare. Ai e uroi TimTheTatman në Twitter, megjithatë, duke thënë se streamer-i “gjithmonë do të ishte një mbret” në shërbimin që la. Ndërsa streamer-at e mëdhenj po largohen nga Twitch, një protestë gjigande po përgatitet nga streamers të ndryshëm të platformës në fjalë. Kohët e fundit ka pasur shumë sulme urrejtjeje ndaj tyre nga shikuesit. Shumë krijues i kanë bërë thirrje Twitch të bëjë ndryshime të rëndësishme për të luftuar këto sulme urrejtjeje, por ende nuk kanë marrë feed-backun e duhur. Kjo ka çuar në protestën e ‘Day Off Twitch’ nga disa streamer. Sugjerimi i tyre u mor shpejt nga një numër streamer-ash të tjerë, të cilët arritën aq larg sa sugjeronin shikuesit gjithashtu të bashkoheshin duke mos parë ndonjë transmetim në platformë nga 1 Shtatori.