SypherPK paralajmëron se mund të heqë dorë nga Fortnite

Streameri i njohur SyhpherPK ka zbuluar se mund të konsiderojë të heqë dorë nga fama dhe roli i tij si një streamer i Fortnite. Sypher është një nga personazhet më të njohura në botën e Fortnite. Ai njihet për këshillat që ndan shpesh me fansat dhe së fundmi edhe si ndër të paktat streamera që i kanë qëndruar besnik Fortnite.

Në transmetimin e tij të fundit në Twitch, SypherPK shpjegoi se pse Fortnite mund ta humbte atë me kalimin e kohës. Ai tha se është e vështirë që të transmetojë solos çdo ditë dhe se nuk ka njerëzit e duhur për të krijuar kontentin që dëshiron.

“Më duhet të tregohem i sinqertë me ju djema, Fortnite mund të më humbë me kalimin e kohës si streamer. Është e vështirë të bësh stream solos çdo ditë dhe thjesht nuk kam grupin e duhur të njerëzve për të krijuar kontentin që dua të krijoj. Është e vështirë,” tha Sypher.

Sypher pranoi se Epic Games është duke ja dalë mirë me lojës. Gjithsesi, tha se ka patur disa faktorë kyç që ja kanë vështirësuar punën.

“Ka disa gjëra thelbësore që e bëjnë të vështirë ta transmetosh lojën. Është e vështirë të krijosh kontent mbi të, të bësh video në YouTube është ndryshe, por është e vështirë. Seancat e zgjatura në lojë po bëhen gjithmonë e më të vështira.”

Streameri gjithashtu përmendi Nate Hill dhe Nick Eh 30 si shumë të investuar në lojë tani. Sypher tha se ata janë duke e përmirësuar vazhdimisht gameplay-in e tyre. Më tej thotë se ata janë lloji i njerëzve me të cilët duhet të luajë më shpesh.

“Nuk po them që është keq që ata po fokusohen. Thjesht po i përdor ata si shembull i njerëzve me të cilët duhet të luaj më shpesh. Në shumë raste ata janë duke bërë trio scrims ose duke luajtur.”

Nëse SypherPK vendos të heq dorë nga Fortnite, kjo do të ishte një humbje e madhe për shumë palë. Ai ka bërë stream prej kohësh tashmë dhe fansat padyshim që do të lëndoheshin nga kjo. Mbetet të shohim se çfarë vendimi do të marrë ai.