Sipas studimeve të fundit, videolojërat na bëjnë më të lumtur

Një studim i kryer nga Instituti i Internetit të Oxford ka zbuluar se do të ndiheni më të lumtur nëse ju luani videolojëra

Kërkuesit tek Instituti i Internetit të Oxford në bashkëpunim me dy nga zhvilluesit të më të mëdhenj të videolojërave kanë zbuluar se mesa duket videolojërat i bëjnë njerëzit të lumtur. Me ndihmën e EA dhe Nintendo, këta kërkues zbuluan sesi videolojërat ndikojnë në mirëqenien e njerëzve.

Kërkuesit e këtij kërkimi ekzaminuan dy lojëra të cilat janë Animal Crossing i Nintendo dhe Plants vs. Zombies: Battle for Neighborville. Të dy këta zhvillues lojërash i ndihmuan kërkuesit me të dhënat që ata kërkonin. Nintendo i pajisi ata me të dhëna mbi sasinë e kohës që lojtarët shpenzonin në Animal Crossing kurse EA i pajisi me të dhëna rreth achievements dhe emoticons që lojtarët përdornin kur luanin.

“Nëse ju luani Animal Crossing për katër orë në ditë, çdo ditë, ju me shumë mundësi do të ndihemi më të lumtur se dikush i cili nuk e ka bërë ketë gjë” u shpreh Prof. Andrew Przybylski i cili është një prej kërkuesve të këtij studimi.

Przybylski gjithashtu shton se ky studim bie ndesh me studimet e kryera gjatë katër dekadave të fundit të cilat sugjerojnë se sa më shumë njerëzit luajnë videolojëra aq më të palumtur ata bëhen.

Gjithashtu Przybylski shprehet se diferenca mund të jetë prezenca e veçorive sociale të cilat janë pjesë e Animal Crossing dhe Plants vs. Zombies të cilat bëjnë që njerëzit të shoqërohen më shumë me miqtë e tyre dhe të takojnë njerëz të rinj.

Me sa duket ky studim mund të bëjë të mundur që njerëzit të kuptojnë më shumë rreth ndikimit të videolojërave në mirëqenien tonë dhe gjithashtu të hapë mundësi për studime të reja. Për të mësuar më shumë rreth këtij studimi klikoni këtu.